Երբևէ չբացահայտված գաղտնիքներ (լուսանկարներ)

Այն, որ շատ գաղտնիքներ մարդիկ իրենց հետ գերեզման են տանում, նորություն չէ: Հավանաբար մեզնից յուրաքանչյուրը իր հետ կտանի մի քանի գաղտնիք, որպեսզի ինչ-որ մեկին, հնարավոր է նաև իր հեղինակությունը կամ ժառանգությունը, դրանով փրկի: Մարդկության պատմության մեջ որոշ գաղտնիքներ այդպես էլ չբացահայտվեցին: Այժմ Ձեզ կներկայացնենք տասը գաղտնիք, որոնք մինչ օրս  առեղծված են մնացել:

Ակսել Էրլանդսոն, 1884 – 1964

Իր գործը սկսել է որպես ագարակատեր, ով սիրում էր ծառերի բներն անընդհատ փոփոխել: Տասը տարվա ընթացքում նա ծառերին «սովորեցրեց» աճել իր ցանկությամբ՝ դրանք վերածելով սրտերի, աստիճանների, օղակների, թռչունների վանդակի, աշտարակի, ֆոտոյի շրջանակի: Ավելի ուշ նա հասկացավ, որ իր ծառերը մեծ ժողովրդականություն են վայելում և որոշեց ստեղծել «Tree Circus»: Էրլանդսոնը իր գաղտնիքը ոչ մեկի չբացահայտեց: Նա մահացավ 1964 թվականին` իր հետ տանելով իր գաղտնիքը:

«Ջերոմ», 1840 – 1912

1863 թվականի սեպտեմբների 8-ին մոտ 20 տարեկան անծանոթին Կանադայում գտել են երկու ձկնորսներ: Երիտասարդի երկու ոտքերն անդամահատված էին, իսկ կողքին եղել է ջրով լի կուժ ու մի կտոր հաց: Նա ի վիճակի չէր խոսել, և, ըստ մեզ հասած պատմությունների, նա ասել է ընդամենը 2-3 բառ, որոնցից մեկը եղել է Ջերոմ: Այդ պատճառով նրան այդպես էլ կոչում են: Ջերոմը որոշ բառերից շատ էր զայրանում, և շատերը կարծում էին, որ նա գիտի մի գաղտնիք, որը արգելել են իրեն ասել:  Ջերոմը մահացել է 1912 թվականի ապրիլի 19-ին:  

Անծանոթուհի, 1793 – 1816]

1816 թվականի աշնանը Վիրջինիա նահանգի Ալեքսանդրիա քաղաքում երկու հոգի` կինը և ամուսինը, մտել են Gadsby հյուրանոց: Կինը հիվանդ էր, և ենթադրվում է, որ վարակված էր որովայնային տիֆով: Կնոջ վիճակը շարունակում էր վատանալ: Ամուսինը կանչել է բժշկին, հյուրանոցի անձնակազմին, և նույնիսկ հյուրանոցի տիրոջ կնոջը: Նա բոլորին խնդրել է երդվել երբևէ չբացահայտել իրենց ինքնությունը: Բոլորը համաձայնվել են գաղտնիքն իրենց հետ գերեզման տանել: Երդումից մի քանի օր անց կինը մահացավ, և մինչ այսօր ոչ ոք տեղյակ չէ, թե ովքեր էին նրանք:

Կաշվե մարդը, մոտ 1839 – 1889

Կաշվե մարդը եղել է թափառական, ով շրջանաձև ճամփորդել էր 584 կմ` Կոնեկտիկուտ և Գուձոն գետերի միջև: Նա վարժ խոսում էր ֆրանսերեն, սակայն հիմնականում շփվում էր ժեստերով: Նա կրում էր գլխարկ և կոշտ կաշվե կոշիկներ: Նա այնքան ճշգրիտ էր շրջագայում, որ մարդիկ ամեն 34-րդ օրը նրան հանդիպում էին փողոցում: 1889 թվականի փոթորկից հետո կաշվե մարդու մարմինը հայտնաբերել են Նյու Յորքում: Նրա կողքին դրված էր իր պայուսակը, որի մեջ եղել է կաշի մշակելու սարքավորումները: Նրա շիրիմի վրա գրված է «Ֆրանսիայի Լիոն քաղաքից Ժյուլ Բոուրգլայի` «կաշվե մարդու»  հանգստի վերջին վայրը»: Սակայն ավելի ուշ թերթում մի հոդված հրապարակվեց, որում ասվում էր, որ դա իր իսկական անունը չէ:

Արնե Բերլինգ, 1905 – 1986

Արնեն մաթեմատիկայի պրոֆեսոր էր: 1940 թվականի նա կոտրել է գերմանական ռազմավարական հաղորդակցության գաղտնաբառը: Շատերի կարծիքով այս ձեռքբերումը ծածկագրության պատմության մեջ եզակի երևույթներից է: Նա գաղտանաբառը կոտրել է երկու շաբաթում:

Դրանից հետո Բերլինգը ստեղծեց մի սարք, որը Շվեդիային թույլ էր տալիս գաղտնազերծել գերմանացիների ինֆորմացիոն հոսքը, որը Շվեդիայից անցնում է Նորվեգիա: Երբ Բերլինգին հարցրել են, թե ինչպես է կոտրել  գաղտնաբառը, նա պատասխանել է՝ «Մոգը չի բացահայտում իր գաղտնիքները»: Բերլինգի ստեղծած սարքավորման միջոցով Շվեդիայի իշխանությունները կարողացել են իմանալ Բարբարոսա պլանի մասին:

Ջեյմս Բլեք, 1800 – 1872

Ջեյմս Բլեքը  եղել է դարբին, ստեղծել է նաև Բոուի (Ջիմ Բոուն հայտնի էր դանակիներով մենամարտներրվ) օրիգինալ դանակը: Բլեքի դանակները բավականին ամուր էին, միաժամանակ ճկուն: Բլեքը դանակներ պատրաստելու մեթոդները գաղտնի է պահել: Նրա դանակների կրկնօրինակները նույնիսկ այժմ չեն կարող պատրաստել: Բլեքը մահացել է 1872 թվականի հունիսի 22-ին:

Էվդարդ Լիդսկալնին, 1887 – 1951

Ծագումով լատվիացի Էդվարդը սիրողական մակարդակով զբաղվում էր քանդակագործությամբ: Նա միայնակ ստեղծել է Ֆլորիդայի մարջանե ամրոցը: Լիդսկալնինի աշխատանքում կիրառված բոլոր քարերը ունեցել են իրենց ուրույն տեղը: Նա գործածել միայն ամենապարզ գործիքները: Երբ Էվդարդին հարցրել են, թե ինչպես է անում այդ ամենը, նա պատասխանել է, որ իրականում ոչ մի դժվար բան չկա մարդու համար, ով գիտե գաղտնիքը: Նա այդպես էլ չբացահատեց իր գաղտնիքը:

Յոհան Բեսլեր, 1680 – 1745

Յոհան Բեսլերը հավաքել է ինքնաշեն մեքենա: 1717 թվականի նա հազարավոր մարդկանց համոզել էր, որ իրեն հաջողվել է բացահայտել ինքնակառավարման մեխանիզմի գաղտնիքը: Մեքենան բազմաթիվ փորձարկումներ և ստուգումներ է անցել: Մեքենան Բեսլերը հսկում էր օր ու գիշեր, սակայն, չունենալով այն պաշտպանելու արտոնագիր, ի վերջո ցասման պահին ջարդեց մեքենան` իր հետ տանելով բոլոր գաղտնիքները: Մինչ այժմ հայտնի չէ, թե ինչն է եղել էներգիայի աղբյուրը: Ակնհայտ է, որ խախտված է եղել էներգիայի պահպանման մասին օրենքը, ըստ որի էներգիան չի կարող ստեղծվել կամ ոչնչացվել, սակայն այստեղ մեկ այլ հարց է առաջանում` ինչպես է Բեսսլերին հաջողվել այդքան երկար ժամանակ խաբել հազարավոր մարդկանց:

Բենջամին Ֆրանկլին, 1706 – 1790

Բենջամին Ֆրանկլինը` ԱՄՆ հիմնադիրներից մեկը, նաև գրող էր, երգիծաբան, քաղաքագետ, գիտնական, քաղաքացիական ակտիվիստ, պետական գործիչ և դիվանագետ: 1730 թվականի Ֆրանկլինը ճանաչեց իր անօրինական և միակ որդուն` Վիլյամին, ում դաստիարակել են Ֆրանկլինը և իր օրինական կինը` Դեբորա Ռին: Ըստ որոշ վարկածների` Վիլյամի իսկական մայրը Դեբորան էր, սակայն դրա մասին չէին  ասում, քանի որ նախքան Վիլյամի ծնվելը զույգը ամուսնությունը չէր գրանցվել, իսկ Ֆրանսկլինը չէր ցանկանում, որ Դեբորան վարկաբեկվեր: Մեկ այլ վարկածի համաձայն` Վիլյամի մայրը մարմնավաճառ է եղել: Մինչ այժմ Վիլյամի մոր մասին հստակ տեղեկություն չկա:

Անտոնիո Ստրադիվարի, 1644 – 1737

Ստրադիվարին հատնի իտալիացի վարպետ է, ով ստեղծել է ջութակներ, թավջութակներ, կիթառներ և տավիղներ: Դարերի շարունակ գիտնականները և պատմաբանները փորձել են պարզել Ստրադիվարիի գաղտնքիները:

Լազերային սքանավորման միջոցով կատարված վերջին ուսումնասիրությունները գիտնականներին ստիպել է ենթադրել, որ գաղտնիքը մանրամասն մշակված թիթեղներն են: Ստրադիվարիի օգտագործած սոսինձները և լաքերը նպաստել են գործիքների որակի վրա:

Փորձագետներն ընդունում են, որ մինչ այժմ կոնսենսուսի չեն հասել ամենահավանական պատճառների վերաբերյալ: Համարվում է, որ Ստրադիվարին ստեղծել է մոտ 1100 գործիք, սակայն մինչ մեր օրերը հասել է 650-ը, որից միայն 500-ը` ջութակ: