Աշնան գլխավոր միտումը ազատությունն է, թեթևությունն ու սեքսուալությունը. 2016-ի նորաձև գույները (Ֆոտոշարք)

Աշխարհի ամենահայտնի ու առաջատար դիզայներներն արդեն ներկայացրել են իրենց աշուն-ձմեռ 2016 հավաքածուները՝ թելադրելով գալիք տարվա թրենդները:

 

Այս աշնան հավաքածուի գույները գրավում են իրենց բազմազանությամբ:

2016-ին նորաձև են  նուրբ երանգները: Աքսեսուարների և հագուստի երանգները մաքսիմալ մոտ են բնականին.  ճչացող վառ երանգներն անհետացել են նորաձևության ցուցադրություններից, բայց սա բոլորովին չի նշանակում, որ 2016-ի նորաձևությունը ձանձրալի է:

 

Tert.am Life-ը զրուցել է ոճաբան Արմինե Մարիտիրոսյանի հետ, որը ներկայացրել է աշուն 2016 թվականի նորաձև գույները:

«Այս տարի նորաձևության գլխավոր միտումն էլեգանտությունն է: Նորաձև են դասական մոխրագույնը, բեժը, թրեդային են վարդագույնի նուրբ երանգները, երկնագույնը և մանուշակագույնը: Բաց վարդագույնը, թվում է, չի համապատասխանում աշնանն ու ձմռանը, սակայն կարծրատիպերը կոտրելու ժամանակն է: Հակադրություն բաց վարդագույնի՝ կրկին ակտուալ է համարվում սև հարբած բալի գունը: Մուգ երանգների սիրահարներին առաջարկում ենք սրճագույնը, մուգ կանաչն ու գինեգույնը: Մեծ իմաստով բոլոր սեզոններին էլ օգտագործվում են բոլոր գույները, սակայն առավել ակտիվ են վերը թվարկածները: Աշնան գլխավոր միտումը ազատությունն է, թեթևությունն ու սեքսուալությունը»,- մեզ հետ զրույցում ասաց Արմինեն:

 

Ոճաբանն ասում է, որ ձմռանը մուգ գույների ընտրությունը  բացարվում է հետևյալ կերպ,-«Հավանաբար միայն մեր երկրում է, որ մարդկանց մեծամասնությունը ձմռան գալուն պես սկսում է անցնել մուգ երանգներ ունեցող հագուստների: Այնպես չէ, որ հայ մարդը պայծառ գույներ չի սիրում: Ենթադրում եմ, որ մեր երկրում ձմեռը «թաց» է և բաց գույն հագուստը արագ է կեղտոտվում ու դրանով է պայմանավորված մուգ երանգների ընտրությունը»:

 

Ամբողջական հոդվածը կարող եք կարդալ այստեղ