Իհարկե, հաղթելու ենք․ Վանաձորում Քրիստ Մարուքյանը մասնակցեց ընտրության
Քաղաքականություն
«Լուսավոր Հայաստան» կուսակցությունից Վանաձորի քաղաքապետի թեկնածու Քրիստ Մարուքյանը քիչ առաջ քվեարկեց 30/37 ընտրատեղամասում։
«Քվեարկեցի հանուն Վանաձորի զարգացման։ Իմ հաղթելու հնարավորությունը շատ լավ եմ գնահատում, ընթացքը ցույց կտա, կարձանագրենք մեր ընթացքի աշխատանքն ու տարիների կուտակած էներգիան։ Իհարկե, հաղթելու ենք, բնականաբար, եթե իշխանությունը հանրապետական կուսակցության ձեռքում է, հաղթելու ենք հենց նրան»,- լրագորղների հետ զրույցում ասաց Քրիստ Մարուքյանը։
Քրիստ Մարուքյանը նշեց, որ այս պահին որեւէ միջադեպ չի գրանցվել։ Նրա խոսքով՝ ընտրատեղամասերում բավարար քանակով վստահված անձինք ունեն․
«Ունենք նաեեւ կրկնակի պատրաստված անձինք, որոնք անհրաժեշտության դեպքում կփոխարինեն, ունենք նաեւ արագ արձագանքման խումբ, որոնց միջոցով կփորձենք բացառել ցանկացած խախտում»,- ասաց նա՝ նշելով, որ արդեն ստացել են տարածքների կուտակումների շուրջ խախտումների մասին ահազանգեր․ «Մեկ ամսվա եռուզեռը պետք է որ ամբողջությամբ երեւա, դրանով եւ պայմանավորված է ակտիվությունը։ Չեմ կարծում ՝ լուրջ խախտումներ կլինեն, պարզապես ակտիվ մասնակցություն է»։
Հիշեցնենք, որ Վանաձորում ընտրություններին մասնակցում է 8 կուսակցություն:
1
2
3
4
5
1
2
3
1
5
