Մուշեղ Պետոյանի քույրը աշակերտներին ստիպել է քարոզչական բեմի պատրաստման աշխատանքնե՞ր տանել. «Հրապարակ»
Մամուլ
Արթիկի թիվ 2 դպրոցի 9-րդ դասարանի աշակերտներից մեկի ծնողը «Հրապարակ»-ին հայտնեց է, որ դպրոցի տնօրեն Սուսաննա Պետոյանը դասաժամին դպրոցի աշակերտներին տարել է Արթիկի հրապարակ՝ օգնելու բեմի կառուցման աշխատանքներում, որտեղ պետք է համերգ տեղի ունենար: Քարոզարշավի ավարտն ազդարարող համերգի կամակերպիչը ՏԻՄ ընտրություններում քաղաքապետի թեկնածու Մուշեղ Պետոյանն է՝ տնօրենի հորեղբորորդին:
«Տիկին Պետոյանն անցնում է չափն ու սահմանը, հերիք չէ՝ աշակերտների ծնողներին ու ուսուցիչներին ստիպում է իր բարեկամին ընտրել, սպառնում է աշխատանքից ազատել, այժմ էլ երեխաներին դասերից է կտրում։ Հանուն ինչի՞»,-ասում էր ծնողը: Պարզաբանում ստանալու համար «Հրապարակ» դիմեց տիկին Պետոյանին, որը կտրականապես հերքեց ահազանգն ու պահանջեց տալ ծնողի անունը: «Անունը տվեք, ա-նու-նը: Եթե չեք տալիս, նշանակում է՝ շանտաժ է»,-ասաց նա: Ապա հավաստիացրեց, որ 9-րդ դասարանի աշակերտների մոտ ինքը երկրորդ ժամով քիմիա է պարապել, եւ ոչ ոք դասաժամից դուրս այլ բանով չի զբաղվել:
Իսկ գուցե Ձեր դասաժամից հետո՞ են աշակերտներին տարել հրապարակ, առանց Ձեր գիտության՝ հարցին Պետոյանը խիստ տոնով հայտարարեց. «Բացառվում է, որ նման բան եղած լինի: Ոչ ոք չի կարող առանց իմ գիտության նման բան անել: Դպրոցում առանց իմ իմանալու ոչ մի բան տեղի չի ունենում»: Նա նաեւ ակնարկեց, թե նման սադրիչ եւ կեղծ ահազանգերը տարածում է դպրոցի նախկին տնօրենը: Թե հատկապես ով՝ խուսափեց որեւէ անուն տալուց:
Մանրամասները՝ թերթի այսօրվա համարում:
1
2
3
4
5
1
2
3
5
1
2
3
4
5
