10՝ մեզ համար սովորական երևույթներ, որոնք արգելված են Սաուդյան Արաբիայում
Life
Սուրբ Վալենտինի տոն
Բոլորս էլ գիտենք, որ փետրվարի կեսին հրաշալի հնարավորություն է ընձեռնվում մեր երկրորդ կեսերին ուրախացնելու: Սաուդյան Արաբիայում Սուրբ Վալենտինի տոնը նշելն արգելվում է, և որպեսզի մարդիկ չխախտեն այս և մի քանի նման այլ կանոններ՝ այստեղ գործում է կրոնական ոստիկանություն: Այս օրը կանանց արգելվում է կարմիր հագուստ կրել: Եթե դրսում կրոնական ոստիկանները կարմրազգեստ որևէ կին են տեսնում, ապա միանգամից նրան ետ են ուղարկում տուն՝ հագուստը փոխելու:
Սոցիալական միախառնումներ
Սաուդյան Արաբիայի ռեստորաններում հստակ կանոն կա գործող: Առանձնացված են երկու հատվածներ. մեկը՝ խմբային (ընտանիք կամ տղամարդկանց խումբ), մյուսը՝ միայնակ այցելությունների համար: Մաքդոնալդսում և արագ սննդի այլկետերում միշտ երկու շարքով են հերթեր գոյանում՝ կանանց և տղամարդկանց: Իսկ որոշ սուպերմարկետներ կանանց թույլ են տալիսմուտք գործել միայն զուգընկերոջ ուղեկցությամբ:
Կինոթատրոններ
Կինոթատրոններ կան, որոնք առանձին երկու սրահներ ունեն՝ կրկին կանանց և տղամարդկանց համար: Մի շարք նոր ֆիլմեր անգամ չեն էլ հասնում կինոթատրոններ, քանի որ իրենց մեջ պարունակում են այնպիսի տեսարաններ կամ կերպարներ, որոնք այստեղ «հարամ» են համարվում՝ մեղք:
Խոզի միս
Սա արգելված է նաև մյուս մահմեդական երկրներում, սակայն Սաուդյան Արաբիան դուրս է եկել սահմաններից. այստեղ ոչ միայն արգելվում է խոզի միսը որպես սնունդ օգտագործել, այլ նաև չի թույլատրվում խոզ բուծել:
Երաժշտական կրթություն
Երաժշտությունն արգելված չէ երկրում, սակայն այն լսել կարող եք միայն սեփական տանը: Առևտրի կենտրոններում քար լռություն է տիրում: Իսկ ինչ վերաբերում է կրթությանը՝ դպրոցներում և համալսարաններում երաժշտական կրթություն չեն ստանում: Երգել կամ որևէ գործիքով նվագել սովորելու համար ստիպված եք կա՛մ մասնավոր ուսուցիչներ գտնել (որն այնքան էլ հեշտ չէ Սաուդյան Արաբիայում), կա՛մ էլ գնալ արտասահման: Չնայած այս ամենին՝ այնտեղ գոյություն ունեն մի քանի ռոք-խմբեր, որոնք աշխատում են պաշտոնյաների աչքին չերևալ:
Սպորտը՝ կանանց համար
Առաջ գույություն ունեին ընդամենը մի քանի սպորտային կենտրոններ, որտեղ կանայք կարողանում էին մարզվել՝ օրինական կերպով: Սակայն որոշ ժամանակ անց կրոնական ոստիկանությունը «նրանց էլ հասավ»: Դպրոցներում աղջիկները ֆիզկուլտուրա առարկան չեն անցնում, որն էլ իրականում շատ վատ ազդեցություն է թողնում թույլ սեռի առողջության վրա: Սաուդյան Արաբիայի օլիմպիական կազմում ընդամենը երկու կին կա, և երկուսն էլ ծնվել ու մեծացել են ԱՄՆ-ում:
Յուրաքանչյուր կրոն՝ բացի իսլամից
Մահմեդականները շատ զգայուն են իրենց հավատքի վերաբերյալ: Եթե մարդը հրաժարվում է իր հավատքից կամ ցանկանում է ուրիշ կրոն ընդունել, ապա նրան մահապատիճ է հասնում: Այդ իսկ պատճառով Սաուդյան Արաբիայում ավելի լավ է լեզուն ատամների արանքում պահել, եթե խոսքը գնում է հավատքի մասին, հակառակ դեպքում կարող եք ուղղակի սխալ բաներ բերանից դուրս թռցնել:
Աշխատող կանայք
Ո՛չ, նրանք դատապարտված չեն հավերժ անգործության: Նրանք նույնպես կարող են աշխատել, բայց միայն հատուկ վայրերում: Հիմնականում կանայք աշխատում են կրթության կամ բժշկության ոլորտում: Վերջերս նրանց թույլատրվեց աշխատել նաև սուպերմարկետնորում՝ դրամարկղերի մոտ: Այնտեղ, որտեղ կա ինժեներիա, արդյունաբերություն կամ իրավաբանություն՝ կանանց չեք տեսնի: Անգամ ներքնազգեստի խանութներում աշխատում են միայն տղամարդիկ-խորհրդատուներ:
Կանայք, որոնք ճանապարհորդում են առանց թույլատվության
Կինը չի կարող միայնակ ճանապարհորդել, եթե չունի հատուկ թույլտվություն, որը տալիս է կա՛մ նրա ամուսինը, կա՛մ խնամակալը: Միակ եղանակը այս սահմանափակումը շրջանցելու՝ 45 տարեկանին սպասելն է: Այդ տարիքից հետո կնոջը՝ ճանապարհորդելու համար ոչ մի հատուկ թույլտվություն էլ պետք չէ:
Կին-վարորդներ
Սա այն եզակի արգելափակումներից է, որի դեմ մահմեդական կանայք փորձել են պայքարել: Կինը կարող է մեքենա վարել միայն մասնավոր բնակավայրերում և անապատում: Մնացած դեպքերում կինը կարող է հայտնվել կրոնական ոստիկանության ուշադրության կենտրոնում: Վերջիններս կարծում են, որ մեքենա վարելու համար կանայք հաճախ են սկսում բացակայել տանից, կարող են հանդիպել այլ տղամարդկանց հետ, որն էլ կարող է հասցնել մահապատժի:
1
2
3
4
5
1
2
3
4
5
3
