Արեւիկում տեղի ունեցավ Արցախում զոհված զինծառայողի հոգեհանգիստը
Հասարակություն
Արմավիրի մարզի Արեւիկ գյուղում այսօր՝ սեպտեմբերի 26-ին, տեղի է ունեցել Արցախի զորամասերից մեկի պահպանության տեղամասի մարտական դիրքում սեպտեմբերի 25-ին զոհված 19-ամյա Սեւակ Խաչատրյանի հոգեհանգիստը:NEWS.am-ի հետ զրույցում Արեւիկի գյուղապետ Գառնիկ Ծատուրյանը նշեց, որ հոգեհանգստին ներկա է գտնվել Արմավիրի մարզպետ Աշոտ Ղահրամանյան, ԶՈւ բարձրաստիճան սպաներ, ծառայակից ընկերներ:
Սեւակ Խաչատրյանին կհուղարկավորեն վաղը՝ Արեւիկի գերեզմանատանը:
Սեւակ Խաչատրյանը ընատնիքի կրտսեր զավակն էր, ունի իրենից մեծ եղբայր:
Սեւակը մեկ տարի առաջ էր զորակոչվել բանակ, նա մասնակցել է նաեւ ապրիլյան քառօրյա պատերազմին:
Ավելի վաղ տեղեկացրել էինք, որ սեպտեմբերի 25-ին Արցախում պետական սահմանը պաշտպանելիս հակառակորդի կրակոցից զոհված 19-ամյա Սեւակ Խաչատրյանը հետմահու պարգեւատրվել է «Մարտական ծառայություն» մեդալով:
Հիշեցնենք, որ սեպտեմբերի 25-ին, ժամը 10.40-ի սահմանում ՊԲ հարավային ուղղությամբ տեղակայված զորամասերից մեկի պահպանության տեղամասի մարտական դիրքում հակառակորդի կողմից արձակված գնդակից մահացու հրազենային վիրավորում է ստացել զինծառայող, 19-ամյա Սեւակ Խաչատրյանը:
Հարուցվել է քրեական գործ:
1
2
3
4
5
1
2
3
4
5
2
3
4
5
