Հայտնի են աշխարհի ամենաառողջ ու անառողջ երկրները. Հայաստանը 86-րդ տեղում է

Հրապարկվել է աշխարհի 2015 թվականի ամենաառողջ և անառողջ երկրների ցանկը` ըստ առողջության մակարդակով պայմանավորված կայուն զարգացման ցուցանիշների: Ուսումնասիրությունն իրականցվել է աշխարհի 188 երկրի տվյալների հիման վրա:

Ինչպես հաղորդում է The Independent-ը` ըստ նոր հրապարակված զեկույցի` աշխարհի ամենաանառողջ երկիրն է Կենտրոնական Աֆրիկայի Հանրապետությունը, որին հետևում են Սոմալին և Հարավային Սուդանը:

Ուսումնասիրության ենթակա կետերից են երկրում տիրող իրավիճակը` կապված աղետների, գիրության մակարդակի, ՄԻԱՎ-ի առկայության, թոքախտի, մալարիայի, Հեպատիտ Բ-ի, ինքնասպանության մակարդակի, ալկոհոլի կիրառման, օդի աղտոտվածության մակարդակի, թունավորումների, ծխելու, հիգիենայի, բռնության, պատերազմների հետ:

Նշվում է, որ ըստ վիճակագական տվյալների`երկրներում առողջության մակարդակը ուղիղ համեմաական է երկրի հարստության հետ: Սակայն ԱՄՆ-ն, լինելով ամենահարուստ երկիրը, 28-րդ տեղում է գտնվում, ինչը պայմանավորված է մանկական գիրությամբ, ՄԻԱՎ-ով և ալկոհոլվ պատճառված մահերի մակարդակով:

Աշխարհի մյուս երկու գերտերություններ համարվող Ռուսաստանն ու Հնդկաստանը ևս հայտնվել են անառողջ երկրների շարքում` զբաղեցնելով 119-րդ և 143-րդ հորիզոնականները:

Հայաստանը համեմատաբար առողջ երկրների շարքում է` գտնվելով 86-րդ հորիզոնականում:  Մեր հարևան երկրներ Թուրքիան, Իրանը և Ադրբեջանը հայտնվել են 103-րդ, 104-րդ և 75-րդ տեղերում` համապատասխանաբար:

Աշխարի ամենառողջ երկիրն է Իսլանդիան, որին հետևում են Սինգապուրը, Շվեդիան, Անդորան, Մեծ Բրիտանիան, Ֆինլանդիան, Իսպանիան, Նիդերլանդները, Կանադան, Ավստրալիան: