25 դեպք, երբ ֆիրմային ապրանքանշանը գաղտնի իմաստ է կրում

Լավ մարկետոլոգը գիտի, որ հաճախորդի հետ պետք է աշխատել բոլոր ուղղություններով՝ այդ թվում նաև ազդելով ենթագիտակցության վրա: Սա հասկանալու համար ընդամենը պետք է ուշադիր հետևել  նրանց վարած քաղաքականությանը: Ահա թե ինչ  մեսիջներ են իրականում իրենց մեջ կրում աշխարհահռչակ մի շարք ապրանքանշաններ:

1. FedEx

 Այս բեռնափոխադրող տրանսպորտային ընկերությունը որոշել է շեշտը դնել իր ընկերության գլխավոր առավելության վրա․ դա արագությունն է: Եթե ուշադիր նայեք, ապա կտեսնեք, որ Е և Х տառերի արանքում սլաք է պատկերված, որը խորհրդանշում է արագ առաքում անմիջապես պատվիրատուին։

2. Amazon

Օնլայն առևտրային հարթակ, որը հանրահայտ է արտասահմանում: Ընկերությունը որոշել է ապրանքանշանի մեջ օգտագործել սլաքը, բայց արել է դա այլ նպատակով, և ոչ թե վերևում նշված ընկերության նկատառումներից: Այն, որ սլաքը սկիզբ է առնում А կետից և վերջանում է  Z տառի վրա, որոնք ամերիկյան այբուբենի առաջին և վերջին տառերն են, հուշում է գնորդին, որ տվյալ խանութում նա կգտնի ամեն ինչ՝ A-ից Z: Բացի դրանից՝ սլաքը խորհրդանշում է ժպիտ, ինչն էլ ավելի գրավիչ ու դրական է դարձնում ապրանքանշանը:

3. Pinterest

 Այս կայքը արագորեն նվաճեց երկրպագուների մեծ բանակ որպես ցանկացած տեսակի նկարի հրաշալի շտեմարան: Կայքն իրեն բնութագրում է որպես մի հարթակ, որտեղ յուրաքանչյուրը կարող է գտնել իր ներշնչանքը: «Pin»  անգլերեն նշանակում է կոճակ, որով տախտակին ամրացնում են լուսանկարներն ու այլ թղթերը։ P տառը ապրանքանշանի վրա ունի հենց այդ առարկայի տեսքը:

4. Gillette

Ուշադրություն դարձրեք G և I տառերի կտրվածքին: Այն խոսում է նրա մասին, որ սափրիչն ավելի սուր է, քան կարող եք պատկերացնել:

5. Tour de France

Այս հանրահայտ հեծանվամրցույթի ապրանքանշանի վրայի դեղին շրջանը խորհրդանշում է ամառային թեժ արևը և միաժամանակ հանդիսանում է TOUR բառի մեջ հմտորեն քողարկված  հեծանիվի 2-րդ ակը։

6. Toblerone

Շվեյցարական հանրահայտ շոկոլադը սկզբում հայտնվել է Բեռն քաղաքում, որի խորհրդանիշը արջն է: Լեգենդի համաձայն՝ քաղաքաի հիմնադիր Բերտոլդ 5-րդ դուքսը քաղաքն անվանակոչել է այն կենդանու անունով, որին առաջինն է որսացել: Լեռան ուրվագծի մեջ շատ ուշադիր աչքը կգտնի հենց այդ նույն արջին:

7. Քյոլնի գազանանոցը

Cologne Zoo ապրանքանշանը իր մեջ ներառում է ոչ միայն հանրահայտ երեք կենդանիների պատկերները՝ փիղ, ռնգեղջուր, ընձուղտ, այլ նաև մի ամբողջ տաճար: Ուշադիր դիտեք փղի ետևի երկու ոտքերը և կտեսնեք Քյոլնի գլխավոր դիտարժան վայրի՝ Քյոլնի տաճարի ուրվագիծը։

8. Լոնդոնի թանգարանը

Museum of London ապրանքանշանի ստեղծմանը դիզայներները գործի են դրել ոչ միայն իրենց ստեղծագործական երևակայությունը, այլ նաև պատմության մասին իրենց գիտելիքները:  Գրության հետին պլանում նշմարվող վառ կետերը խորհրդանշում են քաղաքի սահմանները պատմական տարբեր ժամանակահատվածներում:

9. Baskin Robbins

Baskin Robbins մենյուն ներառում է ուղիղ 31 համի պաղպաղակ: Հենց այդ պատճառով է, որ «B» և «R» տառերի միջև ընկած է 31 թիվը, որն ընդգծված է վարդագույնով։

10. Unilever

Առաջին հայացքից Unilever ընկերության ապրանքանշանը պարզապես տարբեր պատկերների շատ հաջողված միասնություն է, սակայն  իրականում ամեն ինչ շատ ավելի հետաքրքիր է. պատկերներից ամեն մեկը խորհրդանշում է ընկերության գործունեության ոլորտներից մեկը:

11. Լոնդոնի սիմֆոնիկ նվագախումբը

Ապրանքանշանի LSO տառերը հեշտ են վերծանվում՝ London Symphony Orchestra, սակայն դա դեռ ամենը չէ։ Ուշադիր դիտելու դեպքում կնկատեք, որ այդ տառերը միասին ձևավորում են դիրիժորի սիլուետը:

 12. BMW

BMW ապրանքանշանի երկնագույն հատվածները երկինքն են խորհրդանշում, իսկ սպիտակ հատվածները՝  ուղղաթիռի կամ ինքնաթիռի պտուտակները: Բանն այն է, որ ընկերությունը գործունեության սկզբում հասցրել է զբաղվել ավիաարտադրությամբ:

13. Goodwill

Goodwill ապրանքանշանը, որի վրա անմիջապես երևում է ժպտացող դեմքը, միաժամանակ հանդիսանում է նաև ապրանքանշանի առաջին տառը:

14. Beats

Աշխարհահռչակ  Beats ականջակալների ապրանքանշանը ստեղծողները նրա անվանման «b» տառը օգտագործել են որպես ականջակալի կառուցվածքի մի մաս, և շատ քչերն են տեսնում տառը: Ահա այսպես՝ պարզ և տպավորիչ:  

15. Hershey’s Kisses

Hershey’s Kisses կոնֆետներն ամենահայտնիներից են Ամերիկայում: Կոնֆետների յուրահատուկ տեսքը, սակայն, քչերն են նկատում նրա ապրանքանշանի վրա: Ուշադիր դիտեք «K» և  «I» տառերի միջակայքում ընկած պատկերը և կտեսնեք հայտնի կոնֆետների պատկերը ուղղահայաց դիրքում:

16. Coca-Cola

Այս բրենդը ներկայացնելու կարիք չունի: Այն գիտեն և խմում են բոլորը՝ իմանալով հանդերձ նրա վտանգավորության մասին: Երկարավուն այս ապրանքանշանը երբեք մասերի չի բաժանվում, բայց ահա թե ինչն է հետաքրքրական. «O» и «L» տառերի արանքում քողարկված է Դանիայի դրոշը: Գովազդի հեղինակները հավաստիացնում են, որ դա պատահական համընկում է, սակայն այն, որ Դանիայում այս ըմպելիքը մի քանի անգամ ավելի է օգտագործվում, քան աշխարհի բոլոր մյուս երկրներում, փաստ է:

17. Eagle

Eagle Consumables ապրանքանշանի «E» տառի տարօրինակ տառատեսակը շատ ավելի խորը իմաստ է ստանում, երբ ուշադիր զննում ես այն. «E» տառը արծվի պրոֆիլի տեսք ունի:  

18. Pittsburg Zoo

ԻՆչպես երևում է, կենդանաբանական այգիները սիրում են քողարկված հաղորդագրություններ կրել իրենց ապրանքանշանների մեջ: Պիտսբուրգի գազանանոցի ապրանքանշանի վրա պատկերված ծառն իր մեջ ներառում է ևս մի քանի սիմվոլ: Ծառին ուշադիր նայելով՝ կտեսնեք իրար վրա նայող գորիլային ու առյուծին, իսկ ծառի արմատները միաժամանակ նաև լճակի մեջ խայտացող ձկներ է պատկերում:

19. Formula-1

Աշխարհահռչակ այս ավտոարշավի ապրանքանշանը ստեղծողները շեշտը դրել են արագության վրա: Արդյունքում ստացվել է այսպես. պատկերված է սև F տառն ու նրանից առաջացած կարմիր հետագիծը, որն  ունի մեքենայի մոնիտորի վրա արագությունը խորհրդանշող սանդղակի տեսք: Եվ ամենաքողարկվածը. այս երկու տառերի արանքում ուշադիր դիտելու դեպքում կտեսնեք 1 թիվը:

20. NorthWest Airlines

Այս ավիաընկերության ապրանքանշանն ամենաօրիգինալներից է: Այն նաև մեծ ինֆորմացիա է կրում իր մեջ: Նախ այն, որ  շրջանակի մեջ առնված սլաքը ստեղծում է  W и N տառերը, և երկրորդ՝ նրանք էլ իրենց հերթին կողմնացույց են ստեղծում։ Պարզվում է՝ կողմանցույցն էլ հստակորեն ուղղված է դեպի հյուսիս-արևելք, այսինքն՝ մատնացույց է անում ավիաընկերության անվանումը՝ NorthWest: Հանճարեղ է, այդպես չէ՞:

21. Continental

Continental անվադողերի արտադրողները առաջին հայացքից  անհավանական «քչախոս» են: Սակայն ապրանքանշանների վրա դատարկ տարածությունը միշտ բազմանշանակ է լինում:  Եթե ավելի մոտիկից դիտենք  «C» и «O» տառերը, կտեսնենք, որ նրանց միջակայքում ընկած տարածությունը անիվ է ձևավորում:

22. LG

LG ընկերությունը՝ որպես կենցաղային տեխնիկա արտադրող բրենդ, շրջանի մեջ է առել ժպտացող դեմք, որն աչքով է անում: Իսկ իրականում պատկերը ստեղծված է բրենդի անվանման երկու տառերից: Շատերը պնդում են, որ պատկերը նման է Packman-ին, ով հենց «սպառող» բառի հետ է ասոցացվում:

23. VAIO

Sony VAIO – «VA»․ այս ապրանքանշանը ստեղծվել է համարժեք ազդանշանին համապատասխան: «IO» խորհրդանշում է 1 և 0 թվերը, որոնք իրենցից թվային ազդանշան են ներկայացնում:

24. Cisco

Cisco ընկերությունը հիմնադրվել է Սան Ֆրանցիսկոյում՝ San-Francisco, ինչը բացատրում է ոչ միայն նրա անվանումը, այլ նաև ապրանքանշանը: Երկնագույն ուղղահայացները պատկերում են էլեկտրոմագնիսներ, որոնք խորհրդանշում են Սան Ֆրանցիսկոյում գտնվող լեգենդար «Ոսկե դարպասներ» կամուրջը։

25. Galeries Lafayette

Բացի նրբագեղ տառատեսակից, որը միանշանակ խոսում է ֆրանսիական բարձրաճաշակության մասին, «tt» տառերը միաձուլվելով ձևավորում են Էյֆելյան աշտարակի պատկերը: