Business Insider. Հայկական շնչով շվեյցարական հայտնի ժամացույցները, ժամագործության դպրոցը և 40 շրջանավարտները (լուսանկարներ)

KERBEDANZ ընկերությունը հայ-շվեցարական ժամագործների համագործակցության արդյունք է: Ընկերությունը հիմնադրվել է 2010թ. և գործում է մինչ օրս՝ ժամագործության արվեստին նոր շունչ ու իմաստ հաղորդելով: Ընկերությունը հասցրել է արտադրել ավելի քան 200 ժամացույցներ: Ընկերության գլխավոր գրասենյակը գտնվում է Շվեյցարիայում: Ընկերության հիմնադիրը և նախագահն է Տիգրան Կերբեդանցը:

«Kerbedanz» նշանակում է «Կարապետի ժառանգներ», որն իր մեջ պարունակում է առաջնորդի և ավետաբերի նշանակություն: Ընկերության վարպետների երկարամյա փորձառության և տաղանդի շնորհիվ ստեղծվում են ժամացույցների՝ իրենց տեսակի մեջ, յուրօրինակ նմուշներ: Այն համարվում է աշխարհում լավագույն ժամագործային բրենդներից մեկը:  Kerbedanz ընկերության կարգախոսն է՝ «Իմաստ հաղորդել գեղեցկությանը»: Հեղինակավոր Eat Love Savor Magazine հրատարակության գլխավոր խմբագրի ընտրությամբ KERBEDANZ ընկերության Tree of Life («Կյանքի ծառը») ժամացույցը ներառվել է Բազելի 2016թ. ժամագործական ցուցահանդեսի 10 ամենագեղեցիկ ժամացույցների ցանկում՝այնպիսի աշխարհահռչակ բրենդների հետ, ինչպիսիք են Chopard, Bvlgari, L.Leroy, Harry Winston բրենդները: 

Ընկերության հայաստանյան մասնաճյուղը զբաղվում է ռազմավարության մշակմամբ, դիզայնով և կոնցեպտուալ նախագծերով: «Kerbedanz»-ի ժամացույցները արվեստի գործեր են: Դիզայնն ամենուր է՝ կաղապարից մինչև շարժում, սլաքներից մինչև ճարմանդ: Ընկերության համահիմնադիրն է հանդիսանում Արամ Պետրոսյանը, ով նաև գլխավոր ոճաբանն է: 

«Kerbedanz»-ի The Vert հավաքածուն առաջիններից մեկն է, այն  արժե 36,000 ֆրանկ, ամենաբարձր մոդելն արժե 500.000 ֆրանկ: Միջին գինը տատանվում է 150.000 ֆրանկի և 250.000 ֆրանկի մջև:

«Concepto Watch Factory»  ընկերությունը հանդիսանում է շվեյցարական մեխանիզմներ արտադրող առաջատար ընկերություններից մեկը, որի կողմից արտադրված մեխանիզմներն օգտագործում են շվեյցարական ժամացույցների համենահայտնի եւ հեղինակավոր բրենդերը, որոնց թվում են ` Graff, deGrisogono, Louis Monnet, Bvlgari եւ այլն: «Concepto Watch Factory» և «Kerbedanz» ընկերությունների փոխգործակցության շրջանակում Concepto ընկերությունը մեխանիզմներ է պատրաստում «Kerbedanz»-ի կողմից նախագծված ժամացույցների համար:

2014թ.  ապրիլ ամսին «Concepto Watch Factory» ընկերության հիմնադիր տնօրեններ Ժան Պիեռ Ժակեն և Վալերիեն Ժակեն հանդիպել են ՀՀ Էկոնոմիկայի նախարարության

ներկայացուցիչների հետ: Քննարկվել է ՀՀ-ում ժամագործության զարգացմանը միտված ծրագիր, որը բաղկացած է եղել երկու մասից՝

1. Concepto watch factory-ի տեխնոլոգիաները բերել Հայաստան՝ հայ մասնագետների կողմից ժամացույցների մեխանիզմների մասեր պատրաստելու նպատակով:
2. Հայաստանի Հանրապետությունում ժամագործության նախապատրաստական դպրոց ստեղծել:

Հանդիպումը ծառայեց իր նպատակին և Հայաստանում ստեղծվեց շվեյցարական ստանդարտներին համապատասխան բարձր որակավորում ունեցող մասնագետների դպրոց: Այն ունի արդեն 40 շրջանավարտ: 

Դպրոցի հիմնական առաքելությունն է բարձր որակավորում ունեցող մասնագետների վերապատրաստումը: Դպրոցն իր լավագույն շրջանավարտներին հնարավորություն է ընձեռում Շվեյցարիայում մասնակցել գործնական դասընթացների և աշխատանքի անցնել «Kerbedanz» ընկերությունում: ՀՀ-ում ժամագործությանը նպաստող ծրագրերը կունենան շարունակական բնույթ՝ աջակցելով ժամագործական արտադրանքի միջազգային ճանաչմանը: Ծրագրերի շրջանակներում Հայաստան կայցելեն Շվեյցարիայի ժամագործության ոլորտի հայտնի մասնագետներ: Այդ այցերի շնորհիվ կամրապնդվի  «Kerbedanz» ընկերության և շվեյցարական արտադրողների միջև եղած փոխգործակցությունը և հնարավորություն կընձեռվի հայ մասնագետներին արտադրել ժամացույցների մեխանիզմների մասեր շվեյցարական բրենդների համար: Հայաստանյան մասնաճյուղը, առաջին  հերթին, ցանկանում է մասերն արտադրել Concepto-ի մեխանիզմների համար, քանի որ Concepto-ն այն եզակի ընկերություններից է, որն արտադրում է չափազանց բարդ մեխանզիմներ: