ԱՄՆ դեսպանատունը «ահազանգում է»
Ալիսա Մանուկյանը ֆեյսբուքյան իր էջում գրում է.
Ոչ թալանին նախաձեռնությունը երեկ նստացույցից հետո երթով շարժվեց դեպի Բաղրամյան պողոտա, իսկ առավոտյան ոստիկանների կողմից ցրվեց նստացույցը: Բախումների հետևանքով կան բերման ենթարկվածներ, ինչպես նաև տուժածներ:
Միջազգային մամուլն այսօր առավոտից անդրադառնաում էր այս թեմային: Քիչ առաջ երեկվա տեղի ունեցածի վերաբերյալ հայտարարություն է տարածել նաև ԱՄՆ դեսպանատունը: Հայտարարության մեջ մասնավորապես ասվում է. «Հունիսի 22-ի երեկոյան հոսանքի գների պլանավորած թանկացման դեմ բողոքի դուրս եկած ցուցարարների և ոստիկանների պատասխանատու ու ընդհանուր առմամբ հարգալից վերաբերմունքը քաջալերող էր: Խոսքի ու հանրահավաքների ազատությունը ցանկացած ժողովրդավարության հիմնարար իրավունքներն են և մեզ համար ուրախալի էր տեսնել, որ երկու կողմերն էլ գործում էին հարգելով այս իրավունքներն ու զերծ մնալով լարվածության սրումից»:
Նշվում էր նաև, որ բռնությունների մասին լուրեր են շրջանառվում, ինչի առնչությամբ դեսպաատունը կոչ է անում թափանցիկ քննություն անցկացնել:
Բոլորի համար է պարզ, որ երեկվա հավաքի հիմնական պատճառն այն էր, ոտնահարվել է քաղաքացու իրավունքը: Ցուցարարները պայքարում են էլեկտրաէներգիայի սակագնի բարձրացման դեմ: Երեկվա` իշխանությունների կողմից կիրառված գործողությունները դուրս էին որևէ օրինական շրջանակներից:
Իշխանությունները պետք է խստագույնս հետևողական լինեն և նրանք նախաձեռնեն որոշակի գործողություններ` թափանցիկ հետաքննություններ ու նախաքննություններ: Այնինչ, իշխանության փոխարեն կոչեր ու հայտարարություններ են անում տարբեր երկրների դեսպանատները:
Ինչ վերաբերվում է ԱՄՆ դեսպանատան հայտարարությանը, ապա չեմ կարող չնշել, որ Իրաքում ու Աֆղանստանում տեղի ունցած պատերազմի ժամանակ, մի շարք ապօրինի ու օրենքի շրջանակներից դուրս գործողությունների էինք ականատես լինում: Հակաահաբեկչական օպերացիաների արդյունքում ԱՄՆ խաղարարաները անթիվ մարդկանց կյանք խլեցին: Ցավոք, որևէ թափանցիկ քննություն չտեսանք ԱՄՆ-ի կողմից:
Այնպես, որ դեմագոգ քաքական գործիչների պակաս Միացյալ նահագները չունի:
1
2
3
4
5
3
4
5
2
3
4
5
