Օձուն գյուղի անհետ կորած բնակիչը հայտնաբերվել է մահացած՝ ձորի մեջ
Ուշադրության կենտրոնում
Լոռու մարզում սեպտեմբերի 19-ի առավոտյան անհետ կորած, Օձուն գյուղի 30-ամյա բնակչին փրկարարները ժամեր առաջ մահացած է հայտնաբերել: NEWS.am-ի թղթակիցը հաղորդում է, որ Թումանյանի հրշեջ-փրկարար ծառայություն սեպտեմբերի 20-ին ահազանգ էր ստացվել, որ սեպտեմբերի 19-ի առավոտյան Օձուն գյուղի բնակիչ՝ 30-ամյա Սեւակ Այվազյանը գնացել է հարակից դաշտերը և չի վերադարձել:
Այս օրերին որոնողական աշխատանքներին մասնակցել են 8 փրկարար, ոստիկանության Ալավերդու բաժնի 5 ծառայող և 10 համագյուղացիներ:
30-ամյա տղամարդուն փրկարարներ հայտնաբերել են այսօր՝ սեպտեմբերի 21-ին, ժամը 13:30-ի սահմաներում՝ «Սուրբ Նշան» կոչվող տարածքի՝ 70 մետր խորություն ունեցող ձորում: 30-ամյա տղամարդը գնացել էր ընկույզ հավաքելու, և հավանաբար ընկել ձորն ու մահացել:
Այս պահին Թումանյանի հրշեջ-փրկարարները՝ ջոկատի հրամանատարի գլխավորությամբ, աշխատանքներ են իրականացնում նրա դին ձորից դուրս բերելու ուղղությամբ:
1
2
3
4
5
1
2
3
4
5
5
