Հրամանատարը ցույց տվեց հակառակորդի տանկը, խոցեցինք. 20-ամյա Ռաֆիկը պարգեւատրվեց «Մարտական խաչ» 1-ին աստիճանի շքանշանով
Հասարակություն
Տանկի հրամանատար, ժամկետային զինծառայող Ռաֆիկ Կրպեյանն այսօր՝ սեպտեմբերի 20-ին, ՀՀ նախագահի նստավայրում պարգեւատրվեց «Մարտական խաչ» 1-ին աստիճանի շքանշանով։
Թալինցի 20-ամյա Ռաֆիկը տանկի անձնակազմի հետ ապրիլի 3-ին խոցել է հակառակորդի մեկ տանկ։
«Ժամը 5-ի կողմերն էր, դիրքը հետ վերցնելու գործողությանն է մասնակցել մեր տանկը, դրա ժամանակ խոցել ենք հակառակորդի տանկերից մեկը։ Վիճակը լարված էր, հրետանի էր աշխատում մեր ուղղությամբ։ Եթե մենք սխալվեինք, մեզ էին խփելու այդ ժամանակ։ Իմ հրամանատարը ցույց տվեց մեզ հակառակորդի տանկը գյուղի մոտ ու մենք խոցեցինք անձնակազմով»,- NEWS.am-ի հետ զրույցում պատմեց Ռաֆիկ Կրպեյանը։
Ռաֆիկն արդեն զորացրվել է, սովորում է Ֆիզիկական կուլտուրայի հայկական պետական ինստիտուտում։ Ռաֆիկն առանց երկմտելու ասում է՝ եթե հանկարծ կրկին պատերազմ լինի, ինքը մեկնելու է առաջնագիծ։
1
2
3
4
5
1
2
3
4
5
2
3
4
5
