Ովքեր են ու ինչ ճանապարհ են անցել նորանշանակ նախարարները

Քաղաքականություն 20 Սեպտեմբեր, 2016 17:30

Այսօր՝ սեպտեմբերի 19-ին, ՀՀ նախագահ Սերժ Սարգսյանի հրամանագրով նշանակվել են մի քանի նախարարներ:

Գյուղատնտեսության նախարար Սերգո Կարապետյանին փոխարինել է Իգնատի Առաքելյանը:

Ըստ կենսագրական տվյալների՝ Առաքելայնը ծնվել է 1972թ, մարտի 31-ին: 1993թ. ավարտել է Երևանի ճարտարապետաշինարարական ինստիտուտը:

1998-2016թթ.աշխատել է Երևանի կոնյակի գործարանի «Պեռնո Ռիկար» խմբում աշխատել է որպես փորձագետ հաշվապահ, գլխավոր հաշվապահ, ֆինանսավարչական տնօրեն, գործադիր տնօրենի տեղակալ, գործադիր տնօրեն: Առաքելյանն անկուսակցական է:

Էներգետիկայի և բնական պաշարների նախարար Լևոլ Յոլյանին փոխարինել է Աշոտ Մանուկյանը:

Նա ծնվել է 1968թ. ապրիլի 8-ին: 1985 – 1992թթ.սովորել է - Հայաստանի պետական ճարտարագիտական համալսարանում: 1993 – 1995թթ.՝ Հայաստանի ամերիկյան համալսարանում:

1994 – 1995թթ. Մանուկյանը եղել է «Ռեսպուբլիկա Արմենիա» օրաթերթ` հատուկ թղթակիցը: 1995 – 1997թթ.՝ զբաղեցրել է Բանկային վերահսկողների Բազելյան միջազգային կոմիտեի` Անդրկովկասի և Միջին Ասիայի տարածաշրջանային խմբի գործադիր քարտուղարի պաշտոնը: Նույն ժամանակահատվածում նաև եղել է ՀՀ կենտրոնական բանկի` աշխատակազմի ղեկավար/խորհրդի քարտուղար: 1997 – 1998թթ. Մանուկյանը ՀՀ ֆինանսների և էկոնոմիկայի նախարարություն` աշխատակազմի ղեկավար/գլխավոր վարչության պետն է եղել:

1997 – 1998թթ.՝ Տնտեսական բարեփոխումների տեղեկատվական-վերլուծական կենտրոն ծրագրի ղեկավար-կենտրոնի տնօրեն: 1998 – 1999թթ. զբաղեցրել է ՀՀ կառավարության աշխատակազմի ղեկավարի պաշտոնը: 1999 – 2001թթ. - Հայաստանի ազգային հեռուստատեսություն` գործադիր տնօրենի տեղակալն է եղել, 2001 – 2003թթ.՝ Հայաստանի հանրային հեռուստառադիոընկերություն` խորհրդի փոխնախագահը: 2003 – 2004թթ. աշխատել է «Միցուբիսի» կորպորացիաայում՝ որպես խորհրդատու: 2004 – 2011թթ. - «Հրազդանի էներգետիկ կազմակերպություն/Հրազջէկ» ԲԲԸ` գլխավոր տնօրենի տեղակալն է եղել: 2005 – 2008թթ՝ Հայաստանի պետական տնտեագիտական համալսարան` հայցորդ:

2011 – 2015թթ. - «Հրազդանի էներգետիկ կազմակերպություն/Հրազջէկ» ԲԲԸ` գլխավոր տնօրենի տեղակալ: 2012թ. - «Թելասի» ԲԸ` գլխավոր տնօրեն: 2015-2016թթ. - «Էներգո Ինվեստ Հոլդինգ» ՓԲԸ` գլխավոր տնօրեն: Մանուկյանը ևս անկուսակցական է:

Տրանսպորտի և կապի նախարար Գագիկ Բեգլարյանին փոխարինել է Վահան Մարտիրոսյանը:

Նա ծնվել է 1962թ. հոկտեմբերի 28 –ին: Ամուսնացած է, ունի մեկ երեխա: 1984թթ. ավարտել է Երևանի Կ. Մարքսի անվ. պոլիտեխնիկական ինստիտուտ՝ ինժեներ-ռադիոտեխնիկ որակավորմամբ: 1984-2000թթ.աշխատել է Երևանի էլեկտրաապարատների գործարանում՝ որպես ինժեներ-կոնստրուկտոր, կոնստրուկտորային բյուրոյի պետ, գլխավոր ինժեների տեղակալ:

2000-2006թթ.-«Կոռնետ-ԱՄ» ՓԲԸ` գլխավոր տնօրենն է եղել: 2006թ.-«Արմենթել» ՓԲԸ` գլխավոր կոմերցիոն տնօրենը: 2006-2010թթ.-«Կոռնետ-ԱՄ» ՓԲԸ` տնօրենների խորհրդի նախագահն է: 2008-2012թթ.-«GNC-ալֆա» ՓԲԸ` տնօրենների խորհրդի նախագահ: 2012-2016թթ.-«GNC-ալֆա» ՓԲԸ` տնօրենների խորհրդի նախագահ:

Ֆինանասների նախարար Գագիկ Խաչատրյանին փոխարինել է Վարդան Արամյանը:

Նա 2008 – 2013թթ. եղել ՀՀ ֆինանսների նախարարի տեղակալ, իսկ 2012-2016թթ.՝ ՀՀ Նախագահի աշխատակազմի ղեկավարի առաջին տեղակալ: