Ի՞նչ արդյունքով է Մարիամ Դավթյանը վերադարձել Top Model of The World մրցույթից
Life
Այն, որ մոդել Մարիամ Դավթյանը Գերմանիայում ներկայացնում էր Հայաստանը Top Model of The World մրցույթին, արդեն պատմել ենք: Օրերս մոդելին հանդիպեցինք երեւանյան նորաձեւության ցուցադրություններից մեկի ժամանակ եւ, իհարկե, հետաքրքրվեցինք, թե ինչ արդյունքով է վերադարձել Հայաստան:
«Մրցույթն անցկացվում էր Գերմանիայի Բրեմեն քաղաքում. այն տեւեց 12 օր, մասնակցում էին ավելի քան 45 երկրների ներկայացուցիչներ: Մթնոլորտը շատ ջերմ էր, ձեռք բերեցի շատ լավ ընկերներ: Մրցույթի վերջնական արդյունքներն ամփոփվեցին օգոոտոսի 26-ին: Հաղթող ճանաչվեց Բուլղարիայի ներկայացուցիչը: Ես ընդգրկվեցի Top Favorit-ների մեջ»,-NEWS.am STYLE-ին պատմեց հայ գեղեցկուհին:
Մարիամի համար, սակայն, մրցույթին մասնակցությունն արդեն հաղթանակ էր, քանի որ դրա ավարտից հետո մի շարք մրցութային առաջարկներ է ստացել.
«Գերմանիայի, Գանայի եւ Ռումինիայի գործակալությունների կողմից նաեւ համագործակցության առաջարկ եմ ստացել: Դեռ չեմ կարող բացել փակագծերը, քանի որ ինքս էլ չգիտեմ, թե որ առաջարկին կտամ նախապատվությունս: Հիմա կոնկրետ Գերմանիայի գործակալության հետ քննարկում ենք պայմանագրի կետերը:
Նրանց պայմաններից է կախված՝ կընդունեմ առաջարկը, թե ոչ: Կցականայի եւս մեկ անգամ շնորհակալություն հայտնել ինձ հետ աշխատած բոլոր դիզայներներին եւ ինձ աջակցող բոլոր մարդկանց՝ ի դեմս Աշոտ Խաչատրյանի, որն ինձ վստահեց այս պատասխանատու մրցույթին ներկայանալը»:
1
2
3
4
5
1
2
3
4
5
1
3
4
