Ֆեյսբուքը հեռացրել է Նորվեգիայի վարչապետի տեղադրած լուսանկարը՝ համարելով այն ցենզուրայից դուրս (լուսանկարներ)

Blognews.am-ը գրում է . 

Համացանցում նոր սկանդալ է բռնկվել:  Ֆեյսբուքի  ղեկավարությունը հեռացրել է Նորվեգիայի վարչապետ  Էռնա Սուլբերգի «Պատերազմի սարսափը» վերտառությամբ գրառումը, որին կից նա տեղադրել էր  նաև 9-ամյա մերկ աղջնակի հանրահայտ  լուսանկարը: Լուսանկարն արվել է Վիետնամական պատերազմի ժամանակ՝ 1972թ., Associated Press-ի ֆոտոթղթակից Նիկ Ուտի կողմից: Հեղինակն այս լուսանկարի համար արժանացել է  Պուլիցերյան մրցանակի:

Լուսանկարի մեջ անմեղ երեխաներ են, ովքեր տուժել են հարավվիետնամական ուժերի կողմից նետված ռումբի պայթյունից: Լուսանկարի կենտրոնում աղջիկն է՝ մարմնի վրա լուրջ այրվածքների հետքերով: Աղջիկն ամբողջովին մերկ է, որովհետև հանել է իր վրայի այրվող հագուստը: Ֆեյսբուքը գրառումը ջնջել է այն պատճառաբանությամբ, որ լուսանկարի մեջ պատկերված երեխան բոլորովին մերկ է: Սակայն այստեղ հաշվի չի առնվել այն հանգամանքը, որ լուսանկարն իրենից պատմական արժեք է ներկայացնում և գրաքննության ենթակա չէ:  Ի նշան բողոքի՝ Էռնա Սուլբերգն էլ մի ֆոտոալբոմ է ներբեռնել իր ՖԲ էջ, որի բոլոր պատմական լուսանկարները  ՖԲ օրենքների համաձայն խմբագրված են:

Օգտատերերի մեծ մասն էլ ի նշան ՖԲ-ի իրականացրած անարդար քաղաքականության՝ գրաքննության է  ենթարկել հենց Ցուկերբերգի լուսանկարը:

Նյութը՝ Արմինե Հայրապետյանի