Արամ Մանուկյանը հենակների օգնությամբ ազատ քայլում է. փաստաբան
Ուշադրության կենտրոնում
«Սասնա ծռեր» խմբի անդամ Արամ Մանուկյանն արդեն կարողանում է քայլել հենակների օգնությամբ: Այս մասին NEWS.am-ին հայտնեց նրա պաշտպան Հարություն Բաղդասարյանը:
«Երեկ առաջինն անգամ ազատ քայլեց հենակների օգնությամբ: Այնպես, որ ոտքը գետնին էր դնում: Դա նշանակում է, որ մոտ օրերս ամբողջությամբ կվերականգնվի»,- ասաց պաշտպանը:
Աշոտ Պետրոսյանը, որը նույնպես վիրահատության էր ենթարկվել, կարողանում է քայլել հենակների օգնությամբ:
Հիշեցնենք, որ Արամ Մանուկյանին եւ Աշոտ Պետրոսյանին վիրահատել էին օգոստոսի 30-ին: Արամ Մանուկյանին կատարվել է հատուկ մետաղային հարթակով ոսկրային բեկորների ֆիքսում եւ կոտրվածքի ֆիքսում, իսկ Աշոտ Պետրոսյանին՝ տեղադրվել տիտանային հարթակ, կոտրվածքը ֆիքսվել էր: Արամ Մանուկյանին եւ Աշոտ Պետրոսյանին մեղադրանք է առաջադրվել Քրեական օրենսգրքի 219-րդ հոդվածի 3-րդ մասի 1-ին կետով (Շենքեր, շինություններ, տրանսպորտի, հաղորդակցության կամ կապի միջոցներ, այլ հաղորդակցության ուղիներ զավթելը կամ դրանք պահելը, որը կատարվել է կազմակերպված խմբի կողմից) եւ 235-րդ հոդվածի 3-րդ մասով (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը, որը կատարվել է կազմակերպված խմբի կողմից):
1
2
3
4
5
1
2
3
4
5
2
3
4
5
