Գողացված քարտով փորձել են բանկոմատից գումար կանխիկացնել (ֆոտո)
Ուշադրության կենտրոնում
Երեւան քաղաքի քննչական վարչության Կենտրոն եւ Նորք-Մարաշ վարչական շրջանների քննչական բաժնում քննվող քրեական գործով միջոցներ են ձեռնարկվում՝ պարզելու գողացված բանկային քարտով գումար կանխիկացնելու փորձ կատարած անձի ինքնությունը:
2016թ. օգոստոսի 10-ին առերեւույթ հանցագործություն կատարած անձը թիվ 58 միկրոավտոբուսից գաղտնի հափշտակել է քաղաքացու դրամապանակը, որի մեջ եղել են կանխիկ գումար, բանկային քարտ, զեղչի քարտեր, վարորդական իրավունքի վկայական, նույնականացման քարտ՝ վերջինիս պատճառելով զգալի չափի գույքային վնաս:
Գողացված բանկային քարտով նույն օրը բանկոմատից կատարվել է կանխիկացման փորձ:
Դեպքի առթիվ Կենտրոն եւ Նորք-Մարաշ վարչական շրջանների քննչական բաժնում հարուցված քրեական գործի նախաքննության ընթացքում ստացվել են անվտանգության տեսախցիկների՝ տվյալ օրվա տեսագրությունները, ենթարկվել զննության։ Տեսագրության մեջ երեւում է, որ բանկոմատին է մոտեցել դեղին վերնաշապկով, կապույտ ջինսե տաբատով, սեւ ակնոցով մի տղամարդ եւ գողացված քարտով կանխիկացման փորձ կատարել:
Էական նշանակություն ունեցող հանգամանքների պարզաբանման համար միջոցներ են ձեռնարկվում՝ լուսանկարներում պատկերված տղամարդու ինքնությունը պարզելու, նրան հայտնաբերելու ուղղությամբ։
Ովքեր ճանաչում են լուսանկարներում պատկերված անձին կամ որեւէ տեղեկություն ունեն նրա ինքնության կամ գտնվելու վայրի մասին, խնդրում են, հայտնել ՀՀ քննչական կոմիտեի Երեւան քաղաքի քննչական վարչության Կենտրոն եւ Նորք-Մարաշ վարչական շրջանների քննչական բաժին կամ ոստիկանության մոտակա բաժին:
1
2
3
4
5
2
5
2
4
5
