Մի՛ կոտրեք երկրի ողնաշարը՝ երիտասարդությանը, եղեք ԱՌԱՋՆՈ՛ՐԴ

Արմինե Խաչիկյնաը ֆեյսբուքյան իր էջում գրում է. 

Ուզում եմ մի երկու բան ասել, մեջս կուտակվել է ուղղակի տարիներ շարունակ։ Շատ կուզեմ՝ գրածս կարդան այն մարդիկ, ում այս եռանդուն, աշխույժ երիտասարդներն ասելիք ունեն։ Այս ցույցին հավաքված մարդիկ մեր ապագան են, ապագա, որ անկախ մեր երկիր դժվար պայմաններից՝ սիրում է ՀԱՅԱՍՏԱՆԸ, այն երիտասարդներն են, ովքեր ուզում են ապրել այս երկրում, ովքեր ունեն հնարավորություն գնալու, բայց մնում են, մնում են ու հավատում են, որ մի օր կգա, որ մենք կունենաք ԱՌՈՂՋ Կառավարություն ու ԱՌՈՂՋ քաղաքացու գիտակցություն։

Կառավարություն, որի անդամները դժվարանում կամ գուցե մոռացել են, թե ինչու են իրենք դարձել ԿԱՌԱՎԱՐՈՒԹՅՈՒՆ։ Հարգելի՛ պաշտոնյաներ, ես շատ հարգում ու գնահատում եմ այն, ինչ ձեզանից շատերն անում են, ինքս, լինելով տնտեսագետ, քաջ գիտակում եմ, թե որքան դժվար է ՌԱՑԻՈՆԱԼ կառավարել երկրի բնական ռեսուրսները և աշխատուժը, ժամանակին բավականին լուրջ գործ եք սկսել ու անում եք, անում եք թերանալով, բացերով, ինչը ցանկացած մարդուն բնորոշ է, ԲԱՅՑ, խնդրում եմ, ուղղակի նայե՛ք այն երիտասարդութանը, որ գիշեր-ցերեկ չի քնում, պայքարում է հանուն իր ԱՊԱԳԱՅԻ ԱՅՍ ԵՐԿՐՈՒՄ։ Մի՞թե երկրի ԿԱՌԱՎԱՐՈՒԹՅԱՆ գալու ձեր նպատակն ՈՒԺԵՂ, ԾԱՂԿՈՒՆ, ՀԶՈՐ, ԱՆՀԱՂԹ ՀԱՅՍԱՏԱՆ ձևավորելը չէր։ Չեմ ուզում հավատալ, որ այլ նպատակներ եք ունեցել այս դաշտ մտնելուց առաջ։ Հավատում եմ կամ անկեղծ՝ չափից դուրս ՇԱՏ եմ ուզում հավատալ, որ ԱԶԳԱՅԻՆ ԱՐԺԵՔՆԵՐԸ ձեզ համար վեր են ամեն ինչից։ 

Հարգելի՛ պրն. Սարգսյան, այստեղ չկան ընդդիմադիր քաղաքական ուժեր, այստեղ հավաքել է ԵՐԻՏԱՍԱՐԴՈՒԹՅՈՒն, ով ուզում է ԼԱՎ ապրել իր երկրում։ Ես՝ Արմինե Խաչիկյանս, իմ և իմ ընկերների անունից խոստանում եմ մեր եռանդը, խելքը, ուժը ներդնել ՁԵՐ և ՄԵՐ ընդհանուր նպատակի իրագործման հարցում՝ կերտելու ՄԵՐ ՈՒԺԵՂ ՀԱՅՐԵՆԻՔԸ։

Մի՛ կոտրեք երկրի ողնաշարը՝ երիտասարդությանը, եղեք ԱՌԱՋՆՈ՛ՐԴ, ԱՎԱԳ ԸՆԿԵՐ մեզ համար, հավատացե՛ք՝ այստեղ խելացի ու գործող ուժ է հավաքվել, ու այն ձեր կողքին կլինի, եթե զգա, որ գնահատված է, եթե զգա, որ հոր պես եք ՄԵԶ վերաբերվում։