Բանջարեղենային տորթ «Նապոլեոն»

Անհրաժեշտ է`

կաղամբի տերև`12 հատ,
պահածոյացված շամպինիոն` 2 տուփ,
գազար` 3 հատ,
սոխ` 2 հատ,
ալյուր` 100 գր,
քացախ` 9 %-անոց, 3 թ.գդալ,
հանքային ջուր`3-4 բաժակ,
ընկույզ,
բուսական յուղ,
համեմունքներ,
թարմ կանաչի:

Պատրաստման եղանակը.

Մի փոքր տրորեք կաղամբի տերևներն այնպես, որ չվնասեք: Վերցրեք մեծ կաթսա, լցրեք ջուրը կաթսայի մեջ, ավելացրեք քացախ և եփեք կաղամբի տերևները մոտ 7 րոպե: Այնուհետև, կաղամբի տեևները հանեք ջրից և պահեք սառը ջրի տակ:
Հանքային ջրի վրա լցրեք ալյուրը և մի փոքր աղ ցանեք: Արդյունքում պետք է թթվասերի նման զանգված ստանաք:
Տաքացրեք թավան, լցրեք մեջը բուսական յուղ: Այնուհետև կաղամբի տերևները երկու կողմից թաթախեք պատրաստած խմորանման զանգվածի մեջ և տապակեք դրանք: Տապակած կաղամբի թերթիկները դրեք թղթի վրա, որպեսզի դրանցից դուրս գա ամբողջ ավելորդ ճարպը: Այդպես պատրաստեք բոլոր

տերևները:
Մանր կտրատեք շամպինիոնները, սոխը և սխտորը: Դրեք դրանք կաթսայի մեջ, լցրեք մի փոքր բուսական յուղ, ավելացրեք նաև համեմունքներ և մանր կտրատած սամիթ: Առանձին տապակեք նախապես մանր քերած գազարը, ավելացրեք բուսական յուղ և լցրեք շամպինիոններով թավայի մեջ: Դրեք հանդարտ կրակի վրա և թափեք դուրս եկած յուղը:

Իսկ հիմա մնաց ամենակարևորը' արտաքին տեսքի պատրաստումը: Դրա համար վերցրեք լայն ափսե, վրան դրեք առաջին կաղամբի տերևը, լցրեք վրան պատրաստած միջուկը, հետո նորից վրայից դրեք կաղամբի տերևը: Այսպիսի դասավորվածությամբ շարեք մթերքները, մինչև վերջանան: Յուրաքանչյուր շերտը թեթև սեղմեք ձեռքով: Ամենավերևում, պատրաստի տորթի վրա լցրեք մանրացրած ընկույզը: Գեղեցիկ և ախորժելի «Նապոլեոնը» պատրաստ է, կտրատեք և մատուցեք: