10 հիանալի մեջբերում՝ գեղեցկուհի Մոնիկա Բելուչիից

Առանց չափազանցության, Մոնիկա Բելուչին մեր մոլորակի ամենահիանալի դերասանուհիներից եւ գեղեցկուհիներից մեկն է։ «Մալենա» ֆիլմի աստղը շուտով կդառնա 52 տարեկան, բայց նա շարունակում է նկարահանվել ֆիլմերում, աշխատել հանրահայտ նորաձեւության տների եւ բրենդների հետ ու վայելել կյանքը։ Բայց ամենակարեւորը՝ Բելուչին ներշնչանքի աղբյուր է դարձել հազարավոր կանանց համար եւ օրինակ է, որին փորձում են նմանվել։

Չքնաղ Մոնիկան ունի նաեւ մեկ կարեւոր հատկանիշ։ Նա այն քիչ արտիստներից է, որոնք գեղեցկության ու խելքի մարմնացում են։ Ուստի, ներկայացնում ենք 10 մեջբերում այս իմաստուն կնոջ խոսքերից։

1. Գեղեցկությունը կնոջ համար միայն երկու դեպքում է խնդիր դառնում՝ երբ այն չկա, եւ երբ բացի դրանից ուրիշ ոչինչ չկա։

2. Իմ կյանքում ես իսկապես հաճույք եմ ստանում, երբ ճաշում եմ ընկերներիս շրջապատում։

3. Պետք չէ ատել նրանց, ովքեր նախանձում են ձեզ, քանզի այդպես նրանք խոստովանում են, որ դուք ավելի լավն եք։

4. Ի՞նչ եմ անելու, երբ ծերանամ ու հայելում իմ արտացոլանքը ուրախություն չպարգեւի ինձ։ Այն, ինչ մայրս։ Ես չեմ նայելու հայելու մեջ, այլ նայելու եմ երեխաներիս։

5. Մեզ բոլորիս պատրանքներ են պետք։ Ահա թե ինչու ենք մենք սիրում կինոն։

6.Երիտասարդ աղջիկներին միշտ ասում եմ՝ «Սովորեք սիրել ձեր մարմինը»։ Չէ որ իդեալներ չեն լինում։ Փարթամ կազմվածքով կանայք պակաս հմայիչ չեն նիհարիկներից։ Պարզապես պետք է ընդունես քեզ այնպիսին, ինչպիսին կաս։

7. Կանացիությունը ներդաշնակություն, բնական էություն եւ զգացմունքայնությունն է։

8. Երբեք չեմ ցանկանա կրկին 20 տարեկան լինել։

9. Ես երբեք նիհար չեմ լինի։ Ես բնույթով ծույլ եմ, սիրում եմ ուտել։ Ես այսպես բնական եմ։ Մտադիր չեմ անբնական դառնալ։

10. Վերջերս աղջիկս ասաց. «Մայրիկ ես ուզում եմ քեզ նման լինել։ Չեմ ցանկանում աշխատել։ Ուզում եմ մայր լինել, իսկ երբ մեծանամ, իմ դուստրը կաշխատի»։ Պարզապես հիանալի է, որ նա կարծում է՝ ես չեմ աշխատում։