Ռուսաստանյան փորձագետ. Թուրքիան ՆԱՏՕ-ի տիպական անդամ չէ. նա ինքնուրույնության բարձր մակարդակ ունի
Header
Արեւմուտքի դեմ Ռուսաստանի դիմակայության գագաթնակետն անցյալում է, առջեւում լարվածության փուլային թուլացումն է եւ պատժամիջոցային պատերազմից դուրս գալը: Այդ մասին տարածաշրջանային «Ռեգիոն» հետազոտական կենտրոնի կողմից հայկական ԶԼՄ-ների համար կազմակերպված ինտերնետային մամուլի ասուլիսի ընթացքում հայտնել է «Անատոլի Սոբչակի հիմնադրամի» փորձագետ, Աճի կուսակցության խորհրդի անդամ Սերգեյ Ստանկեւիչը` պատասխանելով NEWS.am-ի թղթակցի հարցին այն մասին, թե արդյոք ինքը համաձայն է այն պնդմանը, թե Սանկտ Պետերբուրգում վերջին հանդիպմամբ Մոսկվան եւ Անկարան ցանկանում էին հայտնել Արեւմուտքից իրենց դժգոհությունը:
Նրա խոսքով, դա ճանապարհ կբացի Եվրասիական տնտեսական միության (ԵԱՏՄ) ընդլայնման եւ ամրապնդման նոր փուլի համար: «Թուրքիան ՆԱՏՕ-ի տիպական անդամ չէ. այն ինքնուրույնության մեծ մակարդակ ունի, որը կշարունակի աճել: Անհեռատես եւ վտանգավոր է հաշվի չառնել դա: Ռուսաստանը ստիպված է լինում ճնշումը եւ ուժային ժեստերը համադրել դիվանագիտության, իրավիճակային գործարքների եւ առանձին հարցերի վերաբերյալ մարտավարական միությունների հետ», - նշել է Սերգեյ Ստանկեւիչը: Մասնավորապես, շարունակել է նա, Ռուսաստանը կջանա պահպանել իր ամբողջ ռազմավարական գերակայությունը հիմնական հետխորհրդային տարածքում` կանխելով ուժային կոնսոլիդացիայի մշտական այլընտրանքային կենտրոնների առաջացումը:
1
2
3
4
5
1
2
4
5
3
4
5
