Պուտինը հայտարարել է նախագահական ընտրություններին իր հնարավոր մասնակցության մասին
Ուշադրության կենտրոնում
Դեռեւս վաղ է խոսել այն մասին, թե արդյոք ՌԴ նախագահ Վլադիմիր Պուտինը կմասնակցի՞ 2018 թվականին տեղի ունենալիք նախագահական ընտրություններին, թե ոչ: Կրեմլի կայքի փոխանցմամբ՝ Bloomberg գործակալության հետ հարցազրույցում այս մասին հայտարարել է Վլադիմիր Պուտինը:
«Ես կարող եմ ընտրություններին կա՛մ մասնակցել, կա՛մ չմասնակցել: Եթե չմասնակցեմ, ապա կընտրվի պետության մեկ այլ ղեկավար, Ռուսաստանի այլ նախագահ, եւ այդ ժամանակ իրենք քաղաքացիները կորոշեն՝ ում օգտին պետք է քվեարկեն»,- ասել է Պուտինը:
Ըստ որում՝ նա նշել է, որ արդեն հիմա 2018 թվականից հետո տնտեսության զարգացման ռազմավարության մշակման աշխատանքներ են ընթանում:
«Այդ պատճառով բացարձակապես վաղաժամ է այդ մասին այժմ խոսելը: Գիտեք, արդի, արագ փոփոխվող աշխարհում այդ մասին խոսելն ուղղակի վնասակար է: Հարկավոր է աշխատել, հասնել նրան, որ իրականացվեն այն պլաններն ու խնդիրները, որ մեր առջեւ դրել ենք, հարկավոր է հասնել մարդկանց կենսամակարդակի բարձրացմանը, տնտեսության, սոցիալական ոլորտի զարգացմանը, երկրի պաշտպանունակության բարձրացմանը: Այդ խնդիրների լուծումից կախված՝ հետագայում կդիտարկենք 2018 թվականի նախագահական ընտրարշավը կազմակերպելու հարցը, եւ թե ով կմասնակցի դրանց: Ես առայժմ ոչ մի որոշում չեմ ընդունել»,- հայտարարել է Պուտինը:
1
2
3
4
5
1
2
3
4
5
1
3
4
