Դանիա - Հայաստան. Բեգլարյանի հիանալի խաղի շնորհիվ պարտվեցինք ընդամենը նվազագույն հաշվով
Սպորտ
Հայաստանի ազգային հավաքականը պարտությունով մեկնարկեց Աշխարհի 2018 թվականի առաջնության ընտրական փուլը:
Հայ ֆուտբոլիստները մեկնարկային խաղում հյուրընկալվելիս նվազագույն հաշվով պարտվեցին Դանիայի ըտնրանուն: Միակ գոլը 18-րդ րոպեին խփել է Քրիստիան Էրիկսենը:
Ամբողջ խաղի ընթացքում տանտերերը մեծ առավելություն ունեին:
Մեր ֆուտբոլիստներն ընդամենը մեկ պահ ունեին. 37-րդ րոպեին Արաս Օզբիլիսը միջին տարածությունից ոչ այնքան ուժեղ հարված կատարեց, իսկ մրցակցի դարպասապահը որսաց գնդակը:
Խաղի 72-րդ րոպեին Հայաստանի դարպասին 11 մետրանոց էր նշանակվել. Էրիկսենի հարվածից հետո հիանալի գործեց Արսեն Բեգլարյանը՝ հետ մղելով գնդակը:
ԱԱ-2018-ի հաջորդ հանդիպումը Հայաստանը կանցկացնի սեփական հարկի տակ՝ հյուրընկալելով Ռումինիային:
1
2
3
4
5
1
2
5
