Օբաման Սիրիայի հարցով Ռուսաստանից զիջումներ է պահանջում
Միջազգային
ԱՄՆ նախագահ Բարաք Օբաման հայտարարել է Սիրիայի հարցով Ռուսաստանի հետ լուրջ տարաձայնությունների առկայության մասին: Նրա կարծիքով՝ առանց Մոսկվայի կողմից զիջումների անհնար է դրանք հարթել: Այս մասին գրում է ՌԻԱ Նովոստին:
«Առանց բռնության նվազման եւ մարդասիրական օգնության հասանելիության ապահովման հարցերում Ռուսաստանի կողմից զիջումների դժվար է հասկանալ, թե ինչպես կարող ենք հաջորդ փուլ անցնել»,- Չինաստանում նախանշված G20-ի գագաթաժողովից առաջ Մեծ Բրիտանիայի վարչապետ Թերեզա Մեյի հետ համատեղ ասուլիսում նշել է Օբաման:
Նա, միաժամանակ, հանդես է եկել Մոսկվայի հետ բանակցությունների շարունակման օգտին՝ հաշվի առնելով Սիրիայի նախագահ Բաշար Ասադին աջակցելու գործում նրա դերը:
Ըստ The New York Times-ի՝ Օբաման նաեւ ընդգծել է, որ ԱՄՆ-ն եւ Մեծ Բրիտանիան կշարունակեն դիմակայել Ուկրաինայում «ռուսական ագրեսիային»: «Մենք ՆԱՏՕ-ում դաշնակիցներ ենք եւ խաղաղությունը միանման ենք տեսնում»,- պարզաբանել է Օբաման:
1
2
3
4
5
1
3
4
5
1
2
3
