Ինչպես ազատվել կախված ու թուլացած որովայնից և ուղղել մեջքը. ճապոնական արդյունավետ մեթոդ

Med.tert.am-ը գրում է . 

Նստակյաց կյանքի հետևանքով շատերի մոտ առաջանում են խնդիրներ կապված ողնաշարի հետ, սակայն այս մեթոդը կօգնի ոչ միայն ազատվել այդ խնդիրներից, այլև կարգի բերել կազմվածքը։ Այս պարզ, բայց արդյունավետ մեթոդը ստեղծվել է 10 տարի առաջ ճապոնացի բժիշկ Ֆուկուցուձիի կողմից։ Այն օգնում է ազատվել կախված ու թուլացած որովայնից և ուղղում է կմախքի ձևը։

Օրական ընդամենը 5 րոպե այս վարժությունը կատարելը զգալիորեն կփոխի ձեր կազմվածքը՝ դարձնելով իրանն ավելի բարակ, իսկ մեջքն ուղիղ։

1.      Սրբիչը փաթաթել այնպես, որ ստացվի 40 սմ երկարությամբ և 7-10 սմ հաստությամբ ձիգ գլանաբարձ և կապել որպեսզի չբացվի։

2.      Նստել հարթ հորիզոնական մակրերևույթին (փափուկ անկողինը հարմար չէ, ավելի լավ կլինի նստել ձիգ թախտին, մերսման սեղանին կամ հատակին) և գլանաբարձը դնել ետևում։

3.      Զգուշորեն պառկել և ձեռքերով պահել գլանաբարձը, որպեսզի այն գտնվի գոտկատեղի տակ։ Շատ կարևոր է, որ այն լինի ուղիղ պորտի տակ։

4.      Ոտքերը բացել ուսերի լայնությամբ և միացնել իրար այնպես, որ բթամատերը դիպչեն միմյանց, իսկ կրունկները լինել 20-25 սմ հեռավորության վրա։

5.      Ձերքերը ձիգ տանել ետ և գլխավերևում միացնել այնպես, որ ճկույթները դիպչեն, իսկ ափերն ուղղված լինեն ներքև։

6.      Հարկավոր է հետևել, որ ձեռքերի ճկույթներն ու ոտքերի բթամատերը միշտ լինեն միասին։

7.      Պառկել այս դիրքով 5 րոպե, այնուհետև զգուշորեն վեր կենալ, քանի որ վարժությունը կատարելիս ոսկորներն ու հոդերը մի փոքր խախտվում են։

Ամեն ինչ ճիշտ անելու դեպքում կարելի է զգալ, թե ինչպես է կմախքը սկսում ուղղվել։ Որովայնն աստիճանաբար կձգվի, իսկ ներքին օրգանների դիրքերը կուղղվեն։

Սկզբնական շրջանում բավական դժվար կլինի 5 րոպե այս դիրքով պառկելը, ուստի կարելի է սկսել 2-3 րոպեից։ Արդեն մեկ ամիս անց կնկատվեն զգալի դրական փոփոխություններ։ Սա ողնաշարը ամրապնդելու համար հիանալի այլընտրանքային վարժությունը է։