Ինչպես փրկել բջջային հեռախոսը, եթե այն թրջվել է (լուսանկարներ)

Երբեմն ընդհամենը մի քանի կաթիլը բավական են, որ խոնավեցնեն ձեր բջջային հեռախոսը և խնդիրներ առաջացնեն դրա մեջ: Իհարկե՝ ամենաճիշտ որոշումը այն վերանորոգելն է: Սակայն ի՞նչ կարող ենք անել եթե վերանորոգման տալը մեր պլանների մեջ չի մտնում: Այսօր մենք ձեզ մի քանի խորհուրդներ կտանք, թե ինչպես «վերակենդանացնել» ձեր բջջային հեռախոսը թրջվելուց հետո:

1.Հեռախոսը ինչքան հնարավոր է շուտ հանեք ջրից և այն անմիջապես անջատեք: Ջուրը հեռախոսի մեջ մտնում է ընդհամենը մի քանի վայրկյանի ընթացքում, ուստի հեռախոսը միացրեք միայն այն ժամանակ, երբ վստահ եք, որ լավ չորացրել եք այն: Ավելին՝ հեռախոսի մեջ հայտնված ջուրը կարող է կարճ միացում տալ:

2.Ջրից հանելուց հետո անպայման հանեք հեռախոսի պատյանը և անմիջապես հանեք մարտկոցը: Զգուշորեն անձեռոցիկով կամ նուրբ կտորով ներսից չորացրեք հեռախոսը:

.

3.Հեռացրեք նաև SIM քարտը: Այն նույնպես լավ չորացրեք:

4.Անջատեք և հեռացրեք ցանկացած այլ արտաքին սարքեր. ականջակալ, հիշողության քարտ և այլն:

5.Այս դեպքում կօգնի նաև փոշեկուլը: Մնացած խոնավությունից ազատվելու համար փոշեկուլը մոտ 20 րոպե պահեք հեռախոսի տարբեր հատվածների վրա: Փոշեկուլը որոշակի հեռավորության վրա պահեք:

5.Ֆեն մի օգտագործեք հեռախոսի թրջվելու դեպքում, քանի որ այն ջուրն ավելի է խորն է տանելու սարքի մեջ, ինչը շատ վտանգավոր է հեռախոսի հիմնական մասերի համար: Տաք օդը նաև կարող է հալեցնել հեռախոսի որոշ մասերը:

7.Հեռախոսը կարող եք նաև չորացնել՝ այն բրնձի մեջ դնելով, քանի որ բրինձը ներծծում է խոնավությունը, ուստի հավանական է, որ հեռախոսի մեջ մնացած ջուրը բրինձը կկարողանա ներծծել:

8. Բրնձի փոխարեն կարող եք օգտագործել նաև սիլիկագել:

9.Հեռախոսը արևի տակ դրեք կամ էլ սրբիչի վրա: Նույնիսկ եթե փոշեկուլով չորացրել կամ բրնձով տոպրակի մեջ եք դրել, միևնույն է, դեռ կարող է խոնավություն մնացած լինել:

10. Մարտկոցը տեղադրեք հեռախոսի մեջ և միացրեք միայն այն դեպքում, երբ հեռախոսն արդեն ամբողջովին չոր է: Ուշադիր եղեք, թե արդյոք տարօրինակ ձայներ են գալիս հեռախոսից թե ոչ:

11.Եթե բջջային հեռախոսը չի միանում, ուրեմն հնարավոր է, որ մարտկոցը լիցքավորված չէ: Լիցքավորեք և կրկին փորձեք:

Կարևոր խորհուրդներ

Եթե հեռախոսը աղաջրի մեջ է ընկել, ուրեմն նախ սովորական ջրով թրջեք հեռախոսը և հետո միայն չորացրեք:

Փոշեկուլը ամբողջովին թաց հեռախոսի վրա մի պահեք: Կարող եք հոսանքահարվել: Նախ փափուկ կտորով չորացրեք և հետո միայն փոշեկուլով:

Հեռախոսը լիցքավորելուց առաջ շատ ուշադիր չորացրեք

Հեռախոսը շատ տաք տեղում մի պահեք: Այն կարող է հալվել, իսկ մարտկոցը կարող է խափանվել:

Նյութը հրապարակման պատրաստեց PressMedia.am կայքը :