Հյութերի 4 բաղադրատոմս՝ օրգանիզմը մաքրելու համար

Շատ հյութեր օժտված են օրգանիզմից վնասակար նյութերը, այդ թվում նաև ավելորդ աղերը, մաքրելու հատկությամբ, ինչը տեղի է ունենում օրգանիզմի փոխանակման գործընթացներն ակտիվացնելու շնորհիվ: Շատ ավելի օգտակար են այդ հյութերի խառնուրդները, քանի որ այդ դեպքում դրանք լրացնում և ուժեղացնում են մեկը մյուսի ազդեցությունը:

 Գազարի և սպանախի հյութերի խառնուրդ

 Բաղադրությունը. գազարի հյութ (10 մաս), սպանախի հյութ (6 մաս), հալվեի (алоэ) հյութ (3 մաս):

 Պատրաստման եղանակը. թարմ քամած հյութերը լավ խառնել և պահել տաք գոլորշու վրա, մինչև դառնա համասեռ հեղուկ:

 Օգտագործման եղանակը. խառնուրդը խմել փոքր կումերով և դանդաղ: Մեկ չափաբաժինը (1 լիտր) բաժանել 5 մասի և ընդունել օրվա ընթացքում: Հարկ է հիշել, որ այս մեթոդով բուժվելիս չի կարելի օգտագործել միս ու մսամթերք:

Գազարի և Ճակնդեղի հյութերի խառնուրդ

 Բաղադրությունը. 400 մլ գազարի հյութ, 200 մլ ճակնդեղի հյութ, 4 ճաշի գդալ հալվեի հյութ:

 Պատրաստման եղանակը. ճակնդեղի հյութը երկու ժամով դնել սառնարան, այնուհետև ավելացնել մյուս բաղադրիչներին և լավ խառնել:

 Օգտագործման եղանակը. ստացված խառնուրդը բաժանել 5 մասի և ընդունել օրվա ընթացքում՝ փոքր կումերով:

Վայրի ելակի հյութ

 Բաղադրությունը. 1 կգ վայրի ելակ, 300 գրամ շաքարավազ:

 Պատրաստման եղանակը. վայրի ելակը լվանալ, չորացնել անձեռոցիկի վրա, վրան լցնել շաքարավազ և ուշադիր խառնել, մինչև հյութը դուրս գա, այնուհետև քամել հյութը մառլյայի միջոցով:

 Օգտագործման եղանակը. հյութն անհրաժեշտ է խմել օրական 3 անգամ՝ ուտելուց առաջ կես բաժակ: Բուժման կուրսի տևողությունն է 1 ամիս: Այս հյութը հիանալի միջոց է հոդատապի (подагра) դեպքում: Բացի այդ, այն նաև կարգավորում է նյութափոխանակությունը: Շատ օգտակար է նաև հատապտուղները սննդի մեջ օգտագործելը:

Սև բողկի հյութ

 Բաղադրությունը. 10 կգ սև բողկի արմատապտուղներ:

 Պատրաստման եղանակը. պալարները խոզանակով լվանալ, սակայն չկեղևազրկել: Հյութաքամիչով քամել հյութը (ստացվում է մոտ 3 լիտր), լցնել այն փակ տարրայի մեջ և պահել սառնարանում:

 Օգտագործման եղանակը. բուժումը սկսել ուտելուց հետո 1 թեյի գդալ հյութից և լյարդի հատվածում տհաճ զգացողությունների բացակայության դեպքում աստիճանաբար չափաբաժինը ավելացնել՝ հասցնելով սկզբում 1-2 ճաշի գդալի, իսկ այնուհետև 100 մլ-ի: Բուժումը հարկավոր է իրականացնել բժշկի հսկողության տակ, քանի որ սև բողկը ուժեղ լեղամուղ միջոց է: Հյութի ընդունումից հետո շատ օգտակար է 15 րոպե լյարդի հատվածին տաք ջերմակ (грелка) դնելը: Պրոցեդուրաները շարունակել, մինչև ստացված հյութը վերջանա:

 Նյութի աղբյուրը՝ med2.ru