Ականջացավեր. Ի՞նչ պետք է անել ծովափից վերադառանալուց հետո. Խորհուրդ բժշկից
Life
shabat.am-գրում է.
Ամառային հանգիստը ծովափնյա երկրներում անցկացնելուց և Հայաստան վերադառնալուց հետո քաղաքացիները հաճախ բողոքում են՝ գրիպային վիճակներից, կոկորդի և ականջի ցավերից:
«Արձակուրդ մեկնելուց և վերադառնալուց հետո կլիմայի փոփոխության հետևանքով կարող են գլուխ բարձրանալ տարբեր խրոնիկ հիվանդություններ: Ծովի հետ շփումների ժամանակ այս հիվանդությունները կա՛մ սրանում են, կա՛մ ի հայտ են գալիս առողջական նոր խնդիրներ: Նման խնդիրների դեպքում անհրաժեշտ է դիմել բժշկին և չզբաղվել ինքնաբուժությամբ»: Shabat.am-ի հետ զրույցում նման խորհուրդ տվեց «Միքայելյան վիրաբուժության ինստիտուտի» քիթ-կոկորդ-ականջաբանության բաժանմունքի ղեկավար բ.գ.թ. Կարեն Կասպարյանը:
Անդրադառանալով շատ հաճախ հանդիպող ականջացավերին, բժիշկ Կասպարյանը նշեց, որ դրանք եղանակային կտրուկ փոփոխությունների հետ են պայմանավորված. «Շոգ լողափից սառը ջրի մեջ մտնելուց զարգանում են ականջաբորբեր՝ հիմնականում արտաքին, այս պարագայում ևս անհրաժեշտ է դիմել բժշկին, քանի որ ականջաբորբերը կարող են բավականին լուրջ խնդիր առաջացնել: Ինֆեկցիան կարող է թափանցել ականջախեցու և արտաքին լսողության մաշկի ծածկույթ, ավազից առաջացած միկրովնասվածքներով»:
Ականջի խնդիրներ ունեցող անձանց ջուր մտնելիս անհրաժեշտ է կրել հատուկ գլխարկներ:
Մարիամ Մելքումյան
1
2
3
4
5
1
2
3
4
5
5
