Ալեքսանդր Գրիգորյանն՝ իր 80-ամյակի, 5 կանանց եւ անսպասելի զանգերի մասին (լուսանկարներ)
Life
Bravo.am-ը գրում է .
Ստանիսլավսկու անվան ռուսական դրամատիկական թատրոնի գեղարվեստական ղեկավար Ալեքսանդր Գրիգորյանն օգոստոսի 20-ին նշել է 80-ամյակը։ Թատրոնում տեղի է ունեցել նրա կյանքին ու թատերական գործունեությանը նվիրված Նիկոլայ Դավթյանի նկարահանած 40 րոպե տեւողությամբ վավերագրական ֆիլմի փակ դիտումը, որին ներկա են եղել թատրոնի անձնակազմը, գործընկերներն ու ընտանիքի անդամները։
80-ամյա բեմադրիչ-ռեժիսորը լսել է ներկաների բարեմաղթանքներն ու փչել տորթի մոմերը, իսկ օրվա հետաքրքիր պահերը լուսանկարել է BRAVO.am-ը: «Հուզվեցի, որ գործընկերներս հավաքվել են ողջունելու ու շնորհավորելու ինձ։ Հուզվեցի, որ իմ ու թատրոնի անսահման սիրո մասին ֆիլմ են նկարել։ Նույնիսկ զանգահարեցին մարդիկ, որոնց հետ լավ հարաբերություններ չունեմ. ես էի նեղացել կամ իրենք էին ինձնից վիրավորվել, այդ թվում` թատրոնի նախկին դերասաններից։ Անկասկած, հաճելի էր լսել նրանց շնորհավորանքները»,-ասել է հոբելյարը:
Նա նշել է, որ իրեն շատ երիտասարդ է զգում.«Եթե համարենք, որ ամենաթարմը պետք է լինի մարդու ուղեղը, ես ինձ 40-45 տարեկան եմ զգում։ Մի քիչ ոտքս է ցավում, մի քանի օրից պետք է գնամ բուժվելու։ Իմ ամենահետաքրքիր հոբելյաններս 60, 70, 75-ամյակներն են, երբ թատրոնիս հետ եմ նշել. ամենաուրախ տոներն են եղել։ Ճիշտն ասած, ինձ համար առաջին տեղում թատրոնն է, հետո՝ ընտանիքը։ Մոտ 65 տարի թատրոնին կապված եմ, երեխաներիս ավելի քիչ եմ ճանաչում, բայց նրանց էլ շատ եմ սիրում:)»։
1
2
3
4
5
1
2
3
4
5
3
