Թայվանը լայնածավալ զորավարժություններ է սկսել

Օգոստոսի 22-ին Թայվանում սկսվել են «Խանգուան» լայնածավալ զորավարժությունները, հայտնել է Թայվանի CNA կենտրոնական լրատվական գործակալությունը՝ վկայակոչելով կղզու ազգային պաշտպանության նախարարությունը: «Խանգուան» զորավարժությունները անցնում են 1984-ից սկսած:

2016-ին զորավարժությունները հինգ օր են տեւելու՝ օգոստոսի 22-ից 26-ը: Այս տարի դրանց պետք է մասնակցի մոտ 10 հազար պահուստային: Զորավարժությունները անցնելու են ծովում, օդում ու ցամաքում: Ակնկալվում է, որ օգոստոսի 25-ին զորավարժությունների ընթացքը կներկայացնի Թայվանի աշխատակազմի ղեկավար Ցաայյ Ինվենը:

«Խանգուան» զորավարժությունները, որոնք կղզում անցնում են ամեն տարի, երկու փուլից են բաղկացած: Սկզբում անցկացվում է Չինաստանի կողմից հնարավոր հարձակման ու թայվանյան զինվորականների պատասխան գործողությունների համակարգչային նմանակում , իսկ հետո՝ զորավարժություններ դաշտային պայմաններում:

ՉԺՀ կենտրոնական կառավարության ու կղզու միջեւ պաշտոնական հարաբերությունները ընդհատվել են 1949-ին՝ այն բանից հետո, երբ Չինաստանի կոմկուսի հետ քաղաքացիական պատերազմում պարտություն կրած Գոմինդանի ուժերը՝ Չան Կայշիի ղեկավարությամբ, մտան Թայվան: Թայվանի ու մայրցամաքային Չինաստանի միջեւ գործնական ու ոչ ֆորմալ շփումները վերսկսվել են 1980-ականներին: 1990-ականների սկզբից կողմերը սկսել են շփվել ոչ կառավարական կազմակերպությունների միջոցով: