Ճապոնիայում սողանքի վտանգի պատճառով տարհանում են ավելի քան 34 հազար մարդու
Header
Սողանքի վտանգի պատճառով Ճապոնիայի իշխանությունները Տոկիոյի մոտ գտնվող Կավասակի քաղաքում տարհանում են ավելի քան 34 հազար մարդու: Սողանքի պատճառը Mindulle թայֆունի ժամանակ հորդառատ անձրեւներն են, հաղորդում է NHK-ն:
Ուժեղ քամիներով ու անձրեւներով ուղեկցվող թայֆունը Ճապոնիայի կենտրոնական շրջաններում, այդ թվում Տոկիոյում, սկսվել է այսօր՝ օգոստոսի 22-ին: բարձրացել են գետերի ջրերը, չեղարկվել են գնացքների ու օդանավերի չվերթները, բնակելի շենքերում անջատվել է էլեկտրականությունը:
NHK-ի տվյալներով, Կավասակիում հայտարարվել է ավելի քան 34 հազար բնակիչների կամ 15 հազար 127 ընտանիքների տարհանման մասին:
Տոկիոյի օդանավակայաններում ավիաընկերությունները ստիպված են եղել չեղարկել 425 չվերթներ: Տրանսպորտային խնդիրներն առնչվել են ավելի քան 49 հազար մարդու:
Օդերեւութաբանները սպասում են, որ Mindulle թայֆունը կհասնի Հոկայդո կղզուն եւ կշարժվի դեպի Սախալին: Հոկայդոյի բնակիչներին, որոնք ապրում են գետի մոտ, խորհուրդ է տրվել լքել իրենց տները:
1
2
3
4
5
1
2
3
4
2
3
5
