Ավարտվեց բավականին կանխատեսելի ելքով ու նախօրոք գրված սցենարով...
Սանասար Կարապետյանը ֆեյսբուքյան իր էջում գրում է.
Ավարտվեց բավականին կանխատեսելի ելքով ու նախօրոք գրված սցենարով թատրոնը՝ Բիբինի, Նազարյանի և ՀՀԿ-ականներ ու մի քիչ էլ հաստիքային ընդիմության մասնակցությամբ:
Բիբինը ըստ կուլիսային պայմանավորվածությունների ներկայացրեց հայտ, որով պահանջում էր շուրջ 40 տոկոսով բարձրացնել էլեկտրաէներգիայի սակագինը:Հայտում անարգել , նաև վստահ ու համարձակ ձևով ներկայացված էր աներևակայելի շքեղությունների և շռայլումների մի ամբողջ շղթա՝ ներառյալ նաև <մերոնց> ձևակերպմամբ անխուսափելի բարձրացման նախօրոք պայմանավորված բաժնեմասը, որն էլ հնարավորություն տվեց մեր <խելոքներին> հերոսական կեցվածք դրսևորելով չեզոքացնել շռայլումների և ուղղակի վատնումների, կամ որ նույնն է գողության մասը, բայց հայտնի ինկվիզիցիայի դեմ մարտնչողի նման չմոռանալ պնդել ու հիմնավորել, որ այնուամենայնիվ այն պտտվում է, չէ, ի՞նչ եմ ասում, որ այն այնուամենայնիվ կթանկանա, դրանից խուսափելն անհնար է և այլ հեքիաթներ:
Իսկ իրականում հայտնի ինկվիզիցիայի դեմ մարտնչողի ՊՏՏՎԵԼ բառը այստեղ էլ տեղին է, միայն թե ոչ թե երկրի պտտվելու պահով, այլ այն, որ մեր դրածո արբանյակ-պաշտոնյաների համակարգը, որոնց սխալմամբ երբեմն անվանում ենք Հայրենի իշխանություններ, համենայնդեպս <պտտվում է>, բայց ոչ թե լուսավոր ինչ որ կենտրոնի՝ ասենք <արև>-ի շուրջը, այլ ՄՈՍԿՎԱՅԻ, քանի որ նրանց համար ՝
Աշխարհի կենտրոնը — Մոսկո՛վն է:
Մոսկովը Մեկկայից էլ հի՛ն է:
Մոսկովից մեծ քաղաք — չի՛ք:
1
2
3
4
5
3
4
5
2
3
4
5
