The National Interest. Մերձավոր Արեւելքում Պուտինի ռեալիզմը նրան առավելություն է տալիս
Header
ՌԴ նախագահ Վլադիմիր Պուտինը Մերձավոր Արեւելքում գործում է «ռեալիստական ավանդույթներով», ինչը նրան առավելություն է տալիս ԱՄՆ-ի առաջ, գրում է The National Interest-ը:
Պարբերականի կարծիքով Սիրիայում հարվածներ հասցնելու համար Ռուսաստանի կողմից Իրանի ավիաբազաներն օգտագործելը նշանակում է նոր ռազմական դաշինք Մոսկվայի եւ Թեհրանի միջեւ, որոնք երբեք մտերիմ ընկերներ չեն եղել: Դա ընդամենը մարտավարական քայլ է:
Պարբերականը նշում է, որ ԱՄՆ-ը մտահոգված է այն հանգամանքով, որ Մոսկվան Մերձավոր Արեւելքում առաջ է անցել Վաշինգթոնից: Ըստ հոդվածագրի՝ Մոսկվան իր նպատակներին հասնում է այն բանի շնորհիվ, որ պատրաստ է գործ բռնել ում հետ ասես՝ չսահմանափակվելով ավանդական դաշնակիցներով: Մոսկվան թույլ չի տալիս, որ նախկին դառնություններն ու ներկայիս տարաձայնությունները կանգնեն դիվանագիտական նախաձեռնությունների եւ գործնական համագործակցության ճանապարհին, գրում է հեղինակը եւ ուշադրություն հրավիրում, որ Ռուսաստանը նման մոտեցում է որդեգրել ոչ միայն Իրանի, այլ նաեւ Իսրայելի եւ Թուրքիայի հետ համագործակցության հարցում:
Նման ճկուն դիվանագիտություն կիրառելով՝ Կրեմլը գործում է ռեալիզմի ավանդույթներով, նշված է հոդվածում: Այդ առումով Ռուսաստանն առաջ է անցնում ԱՄՆ-ից, որը սովոր է աշխարհը տեսնել դաշնակիցների եւ հակառակորդների բաժանված:
1
2
3
4
5
1
2
4
5
3
4
5
