Ես խաչ չեմ քաշել սիրո վրա, բայց և դրա ժամանակը չունեմ. Հիլարի Դաֆ

BlogNews.am-ը գրում է.

Մայք Քոմրիի հետ ամուսնությունը 27-ամյա Հիլարի Դաֆի համար անցյալում է, բայց վերջերս հարցազրույցում դերասանուհին և երգչուհին պատմել է, որ չի շտապում նոր հարաբերություններ սկսել: Այս մասին հայտնում է starslife.ru-ն:

«Ես խաչ չեմ քաշում սիրո կամ նման բաների վրա: Պարզապես հիմա այնքան զբաղված եմ, որ ֆիզիկապես ժամանակս չի բավարարում ժամադրությունների և առավել ևս՝ նոր հարաբերությունների համար: Ես 3 տարեկան տղա ունեմ, նոր ալբոմ և դեռ շատ բան պետք է անեմ՝ ծրագրում եմ տարածել ալբոմս, շրջագայել՝ հաջակցություն դրա, մասնակցել հեռուստատեսային շոուների և նման բաներ: Բայց եթե ինչ-որ մեկը հայտնվի ճանապարհիս, և ես սթրես չապրեմ այդ ամենը համատեղելուց, ապա ով գիտե…»,- ասել է Դաֆը:

Երգչուհին նաև պատմել է առցանց ժամադրությունների իր փորձի մասին. «Մի կողմից՝ ես հասկանում էի, որ դա նորմալ է, շատերն են այդպես անում, բայց իմ մյուս կեսը պնդում է, որ ես չեմ կարող դրան գնալ: Եվ ես որոշեցի, որ դա հրաշալի փորձ կլինի: Ինձ համար միևնույն էր՝ մարդիկ ինչ կմտածեին, ես պարզապես զվարճանում էի և հաճույք ստանում շփումից: Ես սեր չէի փնտրում, տամարդ չէի փնտրում: Ինձ համար հաճելի էր, անկեղծ ասած, շատ զարմացա, թե քանի նորմալ լավ տղա է այդպես գնում հանդիպումների»:

Հիլարիի կյանքում առաջին տեղում միայն մի տղամարդ է՝ նրա 3 տարեկան տղան՝ Լուկան:

Դաֆը բողոքում է, որ չնայած հսկայական էներգիային՝ տարիքը զգացնել է տալիս. «Վերջերս ես 20-ժամանոց մամլո ասուլիս էի ծրագրել՝ անսահման շփում մամուլի հետ: Ես մոռացել էի, որ արդեն այդքան երիտասարդ չեմ, այլևս այն էներգիան չունեմ, ինչ նախկինում: Ինձ համար դա չափազանց էր: Հիմա ես պատրաստվում եմ 3-4-օրյա արձակուրդ գնալ, այնպես որ՝ թունելի վերջում լույս կա»: