Մանկությունս մետրոյի բույր ունի. Քրիստինե Պեպելյան

Tert.am Life-ը պարբերաբար բլից հարցումներ է անցկացնում երգիչների, դերասանների, հաղորդավարների մասնակցությամբ: Այս անգամ մեր հարցերին պատասխանում է երգչուհի Քրիստինե Պեպելյանը:

-Լինում է չի լինում…

-Մի ուրախ աղջիկ է լինում:)

-Ժամանակի ու տարածության մեջ…

-Պատասխաններն են...

- Մանկությունը ինչի՞ բույր ունի:

-Մետրոյի:

- Զարկերակը զգում եք երբ…

-Տագնապ կա:

-Երազանք, որը շոշափելի դառնալու միտումներ ունի:

-Նպատակդ:

-Նախաճաշը համեմված է…Ինչո՞վ։

-Բարի լույսով:

-Նյարդաթելերը երբ են բարակում և կտրվում են արդյո՞ք:

-Երբ էլ հավատ չկա:

-Հանդիպում, որին երկար եք սպասել:

-Իմ ու հանդիսատեսիս հանդիպումը:

-Արտահայտություն, որը չեք մոռանա:

-Մարդ մնա:

-Գունային համադրություն, որը կբնորոշի Ձեզ:

-Սպիտակի ու երկնագույնի:

-Ի՞նչ է ուզում Կինը:

-Հանգստություն:

-Եթե չլիներ ձախ անկյունի օրգանը, ապա…

-Չէին լինի ուրախություններն ու տխրությունները:

-Եթե չլինեին բարդույթները…

-Կլիներ սանձարձակություն (լավ է, որ բարդույթները կան):

-Ինչի՞ համար չունեցաք համարձակություն:

-Ինչի համար, որ չարժեր համարձակ լինել:

-Արդարությունն ավարտվում է, երբ..

-Մարդիկ անտարբեր են դառնում:

-Սերն ապրում է այնքան...որքա՞ն:

-Որքան հավատն ու վստահությունը:

Հարցումը՝ Անահիտ Կասամանյանի