Քենդալ Ջեները` հոր մասին. Ես տխրում եմ, երբ դիտում եմ այն լուսանկարները, որտեղ նա տղամարդ է

Life.panorama.am-ը գրում է . 

Vogue ամսագրի սեպտեմբերյան համարի հերոսուհին 20-ամյա Քենդալ Ջեներն է` Քիմ Քարդաշյանի քույրը։ 20-ամյա Vogue-ին մոդելը սկանդալային հարցազրույց է տվել։ Հարցազրույցում նա խոստովանել է, որ դժվարությամբ է համակերպվել հոր՝ նախկին օլիմպիական չեմպիոն Բրյուս Ջեների  սեռափոխության  վիրահատության հետ։

Քենդալը նշել է, որ միշտ աջակցել է իր ծնողին, որը այժմ հայտնի է  որպես Քեյթլին Ջեներ, սակայն առայսօր տխրություն է  զգում, երբ նայում է  նրա լուսանկարները, որտեղ նա դեռ տղամարդ էր։

«Ինձ համար շատ դժվար էր դա ընդունել, քանի որ ես փոքր ժամանակ կարծես տղա լինեի, մենք նրա հետ միշտ մեքենաներ էինք վարում, հեծանիվներ և կվադրոցիկլեր, նա ինձ շատ տղայական բաներ էր սովորեցնում։ Դրա շնորհիվ ես շատ լավ եմ մեքենա վարում։ Այժմ այդ ամենը ինձ տարօրինակ է թվում։ Ես երբեմն նայում եմ մեր լուսանկարները, որտեղ նա դեռ տղամարդ էր, և շատ եմ տխրում։ Այնուամենայնիվ ես անցել եմ այդ ամենի միջով։ Այժմ իմ կյանքում հայտնվել է նոր մարդ, որին ես պետք է սիրել», խոստովանել է Քենդալ Ջեները։

Հիշեցնենք, որ Քիմ Քարդաշյանի մոր՝ Քրիս Ջեների նախկին ամուսին Բրյուս Ջեները սեռափոխության վիրահատություն էր կատարել 2015 թվականին։ Վերականգնվելուց հետո նա որպես կին հայտնվել էր Vanity Fair ամսագրի շապիկին «Ես Քեյթլինն եմ» խորագրով։ Ընտանիքի անդամները ողջ այդ ժամանակ պաշտպանել են նրան։