Ամառային ամենաթրենդային սանրվածքների մասին խորհուրդներն է տալիս ոճաբան-վարսահարդար Սվետլանա Գասպարյանը

Life.panorama.am-ը գրում է . 

Սեզոնային նորաձևոթյանը ենթարկվում է նաև վարսահարդարումը, որն էլ իր հերթին իր թելադրանքներն ունի: Ամառային վարսահարդարման թրենդների մասին Life.panorama.am-ը խոսել է «Aga Kankanyan» իմիջ կենտրոնի ոճաբան-վարսահարդար Սվետլանա Գասպարյանի հետ:

Ոճաբանը մեզ հետ զրույցում անդրադարձել է ոչ միայն թրենդային վարսահարդարման գաղտնիքներին, այլև խոսել ակտուալ սանրվածքներից.

«Այս ամռանը վարսահարդարման  բնագավառում հիթային է համարվում թաց տեսք ունեցող մազերը, որոնք կարող են կիրառվել և ուղիղ հարդարված մազերի, և ալիքների, և նույնիսկ փնջերի դեպքում: Բացի այդ՝ այս ամռանը շատ նորաձև են նաև գագաթի հատվածում անկանոն փնջիկները կամ կոսերը: Ինչպես նաև բացի նորարարություններից, շարունակվում են նորաձև մնալ բնական՝ հոլիվուդյան ալիքները»,- նշեց ոճաբանն ու անդրադարձավ նորաձև սանրվածքներին.

«Այս տարի շատ նորաձև են համարվում ուսերի հատվածում ուղիղ գծով կտրվածքները, որոնք նաև փարթամ տեսք են հաղորդում մազերին: Կտրվածքների առումով կարելի է ասել, որ նորաձևությունը կրկնվում է, քանի որ վարսահարդարման նորաձևություն են հետ գալիս ճակատի հատվածում  կտրված մազափնջերը»:

Երբեմն այս կամ այն հայտնի աստղի սանրվածքը դառնում է ամենատարածված հիթը վարսահարդարման ասպարեզում, հիմա կա՞ն այդպիսիք և արդյոք նման դեպքերում չափից ավելի նմանակումը հակառակ արդյունք չի ստեղծում. այս հարցի շուրջ ոճաբան-վարսահարդարը իր հստակ մոտեցումը հայտնեց.

«Գոյություն ունի աղջիկների մի հատված, ում ձեռքը մշտապես նորաձևության զարկերակին է: Բնականաբար, նրանցից յուրաքանչյուրը նմանակում է իր կուռքի՝ տվյալ ժամանակահատվածում ընտրած ոճը՝ թե հագուստի և թե սանրվածքի տեսքով: Քաղաքում շրջելիս կարելի է հասկանալ, որ մեր հայուհիները մեգաաստղերին են ամենաշատը հետևում: Իհարկե, ինքս կարծում եմ, որ ամեն ինչ չափի մեջ է գեղեցիկ, այդ իսկ պատճաոռվ խորհուրդ կտամ ոճը ընտրելուց առաջ հաշվի նստեն սեփական ես-ի հետ, չէ որ ամեն նորություն չէ, որ կարող է գեղեցկացնել: Ինչևէ, որպես ոճաբան իմ հաճախորդներին ևս հղում եմ իմ խորհուրդները, սակայն ի վերջո հաճախորդի կամքը միշտ օրենք է»:

Հեղինակ՝ Անուշիկ Մելքոնյան