Թաիլանդում ձերբակալվել են պայթյունների կազմակերպման առաջին կասկածյալները
Header
Թաիլանդում ձերբակալվել են հանգստավայրերում պայթյուններ կազմակերպելու մեջ կասկածվող առաջին մարդիկ։ Այս մասին ասել է Ազգային ոստիկանության գլխավոր վարչության ներկայացուցիչը։
«Ոստիկանությունն արդեն ձերբակալել է պայթյունների կազմակերպման առաջին կասկածյալներին։ Ավելի մանրամասն տեղեկություններ տալ չեմ կարող»,– ասել է նա հեռուստատեսությամբ ելույթ ունենալիս։
Ոստիկանության պաշտոնական ներկայացուցիչ գնդապետ Քրիսանա Փհաթհանաչարենը հայտնել է, որ Թաիլանում տեղի ունեցած պայթյունները միջազգային ահաբեկչության հետ կապ չունեն, դրանք տեղի չարագործների ձեռքի գործն են։
Հիշեցնենք, որ Թաիլանդի տուրիստական գոտիներում պայթյուններ էին հնչել։ Փհուքեթ կղզում եւ Սուաթհանի ու Հուահինե քաղաքներում օգոստոսի 12-ին 6 պայթյուն է հնչել։ Օգոստոսի 11–ին եւ 12-ին Թաիլանդի հայտնի հանգստավայրերում ընդհանուր առմամբ 8 պայթյուն է հնչել, որոնց հետեւանքով զոհվել է 4 մարդ։
1
2
3
4
5
1
2
4
5
3
4
