Սարի թաղում լրագրողների գործունեությանը խոչընդոտելու համար 2 մարդու մեղադրանք է առաջադրվել
Ուշադրության կենտրոնում
Սարի թաղում հուլիսի 29-ի լույս 30-ի գիշերը բողոքի ակցիան ցրելիս լրագրողների մասնագիտական գործունեությունը խոչընդոտելու համար մեղադրանք է առաջադրվել եւս երկու քաղաքացու: Այս մասինNEWS.am-ը տեղեկանում է ՀՔԾ-ի մամուլի ծառայությունից:
Քաղաքացիներ Վլադիմիր Մ.-ն եւ Սեյրան Կ.-ն մեղադրվում են լրագրողների մասնագիտական օրինական գործունեությանը խոչընդոտելու եւ խմբով խուլիգանություն կատարելու մեջ:
ՀՀ հատուկ քննչական ծառայության հատկապես կարեւոր գործերով քննիչը միջնորդություն է ներկայացրել Երեւան քաղաքի Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարան՝ մեղադրյալների նկատմամբ կալանավորումը որպես խափանման միջոց ընտրելու մասին:
Նրանց մեղադրանք է առաջադրվել 308-րդ հոդվածի 1-ին մասի (պաշտոնեական դիրքը չարաշահելը), 309-րդ հոդվածի 2-րդ մասի (բռնությամբ զուգորդված պաշտոնեական լիազորություններն անցնելը) եւ 164-րդ հոդվածի (լրագրողների մասնագիտական օրինական գործունեությանը խոչընդոտելը) հատկանիշներով:
Նշենք, որ նույն հոդվածով մեղադրանք է առաջադրվել արդեն 8 անձի:
1
2
3
4
5
1
2
3
4
5
1
2
3
4
5
