Մյանմայում ավելի քան 150 հազար բնակիչ է տարհանվել հեղեղումների պատճառով
Ուշադրության կենտրոնում
Ավելի քան 150 հազար բնակիչներ են տարհանվել Մյանմայի կենտրոնական մասի բնակավայրերից, որոնք հեղեղվել են գետերի սեզոնային վարարման հետևանքով: Այդ մասին օգոստոսի 8-ին հայտնել է Myanmar Eleven թերթի էլեկտրոնային տարբերակը:
Արդեն մի քանի շաբաթ տեղացող սաստիկ անձրևները գետերի վարարման և ամբողջ տարածաշրջանների մասնակի հեղեղման են հանգեցրել երկրի կենտրոնական շրջանում:
Առավել սպառնալի իրավիճակ է ստեղծվել Մանդալայայի տարածաշրջանում՝ Մյանմայի հին մայրաքաղաքից՝ Մանդալայա քաղաքից ոչ հեռու: Ինչպես նշել է սոցիալական ապահովության տեղական նախարարության պաշտոնյաներից մեկը, տարածաշրջանում արդեն ժամանակավոր ապաստաններ են բացվել 72 հազար մարդու համար:
Թերթը գրում է, որ տարածաշրջանում դեռևս մնում են այնպիսի վայրեր, որոնք անհասանելի են փրկարարների համար, որտեղ բնակիչներն ստիպված են ինքնուրույն պայքարել տարերքի դեմ: Տարածաշրջանային նախարարության տեղեկատվության համաձայն՝ այս տարի սեզոնային հեղեղումներից տուժածներն զգալիորեն ավելի շատ են, քան անցյալ տարվա անձրևների տարեշրջանում, հաղորդել է ՌԻԱ Նովոստին:
1
2
3
4
5
1
2
3
4
5
1
3
4
