Գերմանացի քաղաքական գործիչները դեմ են երկրի մզկիթներում Էրդողանի քաղաքականության քարոզչությանը
Header
Գերմանացի քաղաքական գործիչները, որոնք անդամակցում են «մեծ կոալիցիայի» մեջ մտնող կուսակցություններին քննադատել են Գերմանիայում Թուրք-իսլամական կրոնական հաստատությունների միությանը (DITIB): Նրանք միությունից պահանջել են հեռու մնալ Թուրքիայի նախագահ Ռեջեփ Թայիփ Էրդողանի քաղաքականությունից, փոխանցում է DW-ն:
DITIB հետ համագործակցությունը, որը Գերմանիայում մուսուլմանական խոշորագույն միավորում է համարվում, հնարավոր է միայն այն դեպքում, եթե միությունը դադարի Էրդողանի խոսափողը լինել, պարբերականի հետ զրույցում հայտարարել է Քրիստոնեա-սոցիալական միության պատգամավոր Շտեֆեն Մայերը:
Սոցիալ-դեմոկրատ պատգամավորներից Քերսթին Գրիզեն ընդգծել է, որ DITIB-ն չպետք է արադարացնի եւ աջակցի Թուրքիայում ժողովրդավարության եւ խոսքի ազատության սահմանափակումները: «Մենք չենք կարող հանդուրժել, որ Էրդողանի քաղաքականությունը քարոզվի մզկիթներում»,- հայտարարել է Գրիզեն՝ նշելով, որ ատելություն եւ բռնություն քարոզող իմամները ծայրահեղ դեպքում պետք է երկրից արտաքսվեն: Դրա հետ մեկտեղ, նա համոզված է, որ անհրաժեշտ է DITIB-ի հետ երկխոսությունը շարունակել:
Թուրք-իսլամական միության մեջ համարյա 900 համայնք է մտնում, որոնք միավորում են բացառապես թուրքական ծագմամբ մուսուլմաններին: Կազմակերպության տվյալներով՝ միությանն անդամակցում են ավելի քան 150 հազար հավատացյալներ:
1
2
3
4
5
1
2
3
4
2
3
5
