Ինչու են Սերժ Սարգսյանն ու մյուս նախագահներն ընտրում կարմիր փողկապ (լուսանկարներ)

Wnews.am-ը գրում է . 

Երկրի առաջնորդները մշտապես հասարակության ուշադրության կենտրոնում են, ինչը ենթադրում է ոչ միայն մտքերը ճիշտ արտահայտելու գերազանց ունակություն, այլ նաեւ` պատշաճ արտաքին։

Ասա ինչ ես հագել, կասեմ՝ ով ես դու. նման սկզբունքով է առաջնորդվում գիտության այնպիսի ճյուղն ինչպիսին «հագուստի հոգեբանությունն» է։ Վաղուց ապացուցված է, որ  առօրյա կերպարը թելադրվում է ներքին մոտիվներով. այն, ինչ կրում ենք, մեր կոմպլեքսների, ձգտումների, ցանկությունների եւ անգամ վախերի արտացոլանքն է։Պաշտոնյայի զգեստապահարանից անպակաս են դասական կոստյումները, վերնաշապիկները, փողկապներն ու էլեգանտ կոշիկները: Իսկ մտածե՞լ եք արդյոք, թե ինչու են որոշ պաշտոնյաներ կրում բացառապես սեւ կոստյումներ, իսկ մյուսները դեմ չեն իրենց զգեստապահարանը լրացնել, օրինակ, ծաղկավոր փողկապով կամ վառ գույնի կոստյումով։ 

 Թե ինչպես են հագնվում տարբեր երկրների առաջնորդները և ինչ է դա բնորոշում, Wnews.am-ը ներկայացնում է ձեր ուշադրությանը:

ՀՀ նախագահ Սերժ Սարգսյան.

Սերժ Սարգսյանը դասական կոստյումը նախընտրում է համադրել կարմիր, մանուշակագույն փողկապների հետ։

Կարմիր փողկապի ընտրությունը պատահական չէ։ Կարմիրը խորհրդանշում է ուժ, կիրք, իշխանություն։ Դրա երանգները եւս նշանակություն ունեն։ Ավելի մուգ երանգները, օրինակ, գինեգույնը, օգնում է ստեղծել վստահելի հարաբերություններ, իսկ բաց երանգի կարմիր փողկապները, ինչպես նաեւ վարդագույնը, ընդունվում է որպես սեփական ոճի ցուցադրում եւ ասոցացվում է այն կրողի ստեղծագործ հակումների հետ։ Վարդագույն կամ մանուշակագույն փողկապի կրումը կարող է նաեւ համերաշխության ազդանշան լինել։

ՌԴ նախագահ Վլադիմիր Պուտին.

Կարմիր փողկապների սիրահար է նաեւ ՌԴ նախագահ Վլադիմր Պուտինը։

Բացի կարմիրից, Վլադիմիր Պուտինը կրում է նաեւ կապույտ գույնի փողկապներ։  

Կապույտ փողկապը ճիշտ ընտրություն է, քանի որ մարդկանց հիշեցնում է երկնքի, օվկիանոսի մասին եւ ունի հանգստացնող ազդեցություն։Կապույտը՝ ամենահուսալի գույնն է։ Կապույտ փողկապը պրոֆեսիոնալ լինելու դասական օրինակ է։ Մուգ կամ, այսպես ասած, թագավորական կապույտ փողկապը հնարավորություն է տալիս առանձնանալ բոլորից։ Նման փողկապը վստահություն է ներշնչում։

 Ուկրաինայի նախագահ Պյոտր Պորոշենկո.

Եվս մեկ երկրի առաջնորդ, ով սիրում է կրել կարմիր փողկապներ։ Ինչ վերաբերում է նրա կոստյումներին, ապա դրանք հիմնականում միանման են։ Էմոցիոնալ մարդ. թվում է, թե հենց այս գիծն է փորձում թաքցնել Պորոշենկոն իր միապաղաղ կոտյումներով։ Տպավորություն է, որ նա յուրաքանչյուր միջոցառմանը ներկայանում է միեւնույն կոստյումով՝ փոխելով միայն փողկապները։

Ֆրանսիայի նախագահ Ֆրանսուա Օլանդ.

Ֆրանսիայի նախագահ Ֆրանսուա Օլանդը հագուստի ընտրության հարցում շատ պահպանողական է։ Նրա հակումը սեւ գույնի հանդեպ չափից դուրս է արտահայտվում զգեստապահարանում։ 

Հավանաբար, այդպիսով Օլանդն իրեն առավել հարմարավետ է զգում, այդպիսով նա կարող է նաեւ թաքցնել իր էմոցիոնալ ապրումները։ Ըստ միջազգային լրատվամիջոցների, Ֆրանսիայի նախագահը մեծ նշանակություն է տալիս իր արտաքինին. նրա անձնական վարսավիրը ստանում է 10 000 եվրո։ Հավանաբար, Օլանդը ծերացման հետ կապված կոմպլեքսներ ունի, այդ պատճառով էլ իրեն թույլ չի տալիս վիճելի հագուստներ կրել, որոնք կարող են շատ քննարկվել։ Սեւի հանդեպ նրա սերը կարող է վկայել նաեւ բոլորին դուր գալու նրա ցանկությունը. չէ՞ որ սեւը միշտ լավ տարբերակ է։