Անձրեւը խափանեց ցուցարարների մտադրությունը. Ակցիան ավարտվեց (լուսանկարներ, տեսանյութ)
ՀասարակությունNews.am-ը գրում է .
Անձրեւը խափանեց Ազատության հրապարակում հավաքված եւ Բաղրամյան պողոտայի սկզբնամասը փակած ցուցարարների մտադրությունը։
«Ժառանգություն» կուսակցության ներկայացուցիչ Արմեն Մարտիրոսյանը հայտարարեց, որ իրենց նպատակն էր նախ պիկետ անել Բաղրամյան պողոտայի սկզբնամասում, ապա երթով գնալ դեպի Խորենացի փողոց։ Առաջին մասը ստացվեց, բայց Խորենացի գնալուն խանգարեց անձրեւը։
Այդուհանդերձ, պայքարը չի դադարելու։ «Պայքարը չպետք է դադարի։ Իսկ դրա համար պետք է այժմ գնալ տուն, տաքանալ, վաղը նորից հավաքվել Ազատության հրապարակում»,- ասել է նա՝ նշելով, որ կրկին դիմելու են անհնազանդության քայլերի։
NEWS.am-ի թղթակիցը հայտնում է, որ այժմ Ազատության հրապարակում հավաքված բազմությունը ցրվում է։
Նշենք, որ Ազատության հրապարակում նախ հանրահավաք էր կայացել, ապա բազմությունը ուղեւորվել էր Բաղրամյան պողոտա, որտեղ ոստիկանությունը ուժեր էր կենտրոնացրել։ Ցուցարարները մեկ ժամից ավելի թրջվեցին անձրեւի տակ, ապա վերադարձան Ազատության հրապարակ։
1
2
3
4
5
1
2
3
4
5
5
