Քաղաքացիները կոչ են անում իրենց միանան Նիկոլ Փաշինյանն և Զարուհի Փոստանջյանը (ուղիղ միացում, թարմացվում է)

21.30

Հակաճգնաժամային խորհրդի Նախաձեռնող խմբի անդամ Ալբերտ Բաղդասարյանը հայտարարեց, որ անկախ նրանից, թե իրենք ձերբակալված կլինեն , թե ոչ, պետք է բոլորը՝ վաղը ժամը 19.30-ից հավաքվեն Ազատության հրապարակում։

21.09

Հանրահավաքի ժամանակ «Նիկոլ» վանկարկմամբ քաղաքացիները կոչ արեցին ԱԺ պատգամավոր Նիկոլ Փաշինյանից միանալ իրենց: Նրանք նաև կոչ արեցին իրենց միանա պատգամավոր Զարուհի Փոստանջյանը և երկուսով իրենց ձեռքը վերցնեն հանրահավաքները համակարգելու գործը:

20:45

Առաջիկա րոպեների ընթացքում Ազատության հրապարակում կմեկնարկի հանրահավաքը: Ազատության հրապարակը բազմամարդ է, այնտեղ են նաև որոշ քաղաքական գործիչներ:

20.15

Ազատության հրապարակից բերման են ենթարկել Ալեք Ենիգոմշյանին։

20:05

Ալեք Ենիգոմշյանը և Արմենակ Կյուրեղյանը հայտնում են, որ հավաքը տեղի կունենա Ազատության հրապարակում և կոչ են անում մեր հայրենակիցներին հավաքվել Ազատության հրապարակում այս պահից սկսյալ։

19:05

Ցանկացած մարդ, ով գալիս է Խորենացի փողոց բերման է ենթարկվում, բոլորը բացի լրագրողներից, այս գործողությունները սկսվել են վաղ առավոտից: Ոչ մեկ չի բացատրում ինչու և ինչ հիմքերով: Բերման են ենթարկվել Դավիթ Սանասարյանը, Արմեն Մարտիրոսյանը, Եղիշե Պետրոսյանը, Արսինե Խանջյանը և մնացած բոլոր քաղաքացիները, անգամ այն մարդիկ ովքեր պարզապես այդ փողոցով անցնում են:

Առավոտից բերման ենթարկվածների թիվն արդեն անցնում է 100-ից:

Երևանի ոստիկանապետ Աշոտ Կարապետյանը պատգամավոր Նիկոլ Փաշինյանին փոխանցեց, որ ոստիկանական գործողություններն ուղղված են «արյունահեղության կանխմանը»: Ոստիկանության պաշտոնյաներից մեկն էլ փոխանցեց, որ քաղաքացիներին ոստիկանական պատնեշից այն կողմ տանելուց հետո պարզում են նրանց ինքնությունը և «եթե նրանք կապ չունեն որևէ հավաքի հետ, անմիջապես ազատ են արձակվում»:

Խորենացի փողոցի հանրահավաքները համակարգող խումբը այսօր ժամը 7-ին այստեղ կրկին հանրահավաք էր հրավիրել:

18:55 

Այս պահին ոստիկանության աշխատակիցները բերման ենթարկեցին կանադահայ հայտնի ռեժիսոր Ատոմ Էգոյանի կնոջը՝ դերասանուհի Արսինե Խանջյանին:

17:27

Խորենացի փողոցում ոստիկանության հրեշտակների գումարտակի ծառայողները երկու կնոջ փորձում են տանել ոստիկանության մեքենայի մոտ՝ իրենց ասելով անձը ճշտելու համար։ Կին ոստիկաններից մեկը բավական կոպիկ կերպով քաշքշում էր տարեց կնոջը։

16։25

Այս պահին Առողջապահության նախարար Արմեն Մուրադյանը ՊՊԾ գնդի տարածքում է։ Նշենք, որ ավելի վաղ ԼՈՒՐԵՐ.com-ը հայտնել էր, որ զինյալները շտապօգնության բրիգադին բաց կթողնեն, եթե ՊՊԾ գունդ այցելելի նախարարը։

14։56

Խորենացի փողոցում ոստիկանության ծառայողները փորձում են բերման ենթարկել մի կնոջ, ով գոռում է, որ իր թևը գիսպի մեջ է, կոտրված է։ Կնոջ ինքնազգացողությունը, կարծես թե, մի պահ վատացավ։ Նրան բերման չենթարկեցին։ Այս պահին կինը կանգնած խոսում է կարմիրբերետավորների հետ։

14։30

Այս պահին Խորենացի փողոցում է գտնվում ԱԺ պատգամավոր Զարուհի Փոստանջյանը։ 

09։24

Ամբողջ գիշեր անհանգիստ է եղել Խորենացի փողոցը: Ոստիկանները բերման են ենթարկել բազմաթիվ մարդկանց, անգամ շրջակա շենքերի բնակիչներին:

Այս պահին իրավիճակը հանգիստ է, փողոցը՝ դատարկ:

Գիշերվա ընթացքում Էրեբունի բժշկական կենտրոն են տեղափոխվել 3 վիրավոր՝ Պավել Մանուկյանը, Արամ Մանուկյանը և մեկ ոստիկան: Նրանց առողջական վիճակը կայուն ծանր է: Երեքն էլ վիրահատվել են և գտնվում են վերակենդանացման բաժանմունքում: