Իմ երազանքի երկիրը Իտալիան է. մոդել Աննա Դեմիրխանյանի ճամփորդության արկածներն ու ցանկությունները

Լife.tert.am-ը գրում է . 

Մոդել Աննա Դեմիրխանյանը սիրում է ճանապարհորդել, նրա երազանքների երկիր Իտալիան է: Tert.am Life-ի հետ զրույցում մոդելը պատմեց իր ամենատպավորիչ ճամփորդության մասին:

 -Հատկապես ո՞ր եղանակին եք սիրում ճանապարհորդել:

 -Սիրում եմ ճանապարհորդել ինչպես բոլորը, բայց ցավոք ոչ հաճախ է դա հնարավոր: Սիրում եմ տարվա բոլոր եղանակներին մեկնել ճանապարհորդության` մեքենայով, գնացքով, ինքնաթիռով: Կցանկանայի լինել Ղարաբաղում, Ստեփանակերտում: Որոշել եմ, որ անպայման մի օր գնամ այնտեղ:

-Ո՞ր երկրներում կցանկանայիք լինել:

-Իմ երազանքների երկիրը Իտալիան է: Մանկուց միշտ երազել եմ լինել այնտեղ: Երբ կարդացի Dan Brown-ի «Angels and Demons» գիրքը ցանկություն առաջացավ տեսնել Իտալիան: Կցանկանայի լինել Հռոմում, Ֆլորենցիայում, Վենետիկում, Վերոնայում, Սան-Ռեմոնում: Ես երբեք չեմ երազել Փարիզը տեսնել և սելֆի անել Էյֆելյանի մոտ (ժպտում է):

-Ճանապարհորդություն, որ բացահայտել է Ձեզ:

 -Երբ ես Մոսկվայում էի հասկացա, որ շատ խիզախ և ինքնուրույն եմ: Ես կարողացա հեշտությամբ կողմնորոշվել քաղաքում, մետրոյում, չմոլորվեցի փողոցներում, և ինձ նույնիսկ ոչ մի սափրագլուխ չի նեղացրել:

-Ունեցե՞լ եք արկածային ճանապարհորդություն:

-Այո եղել են: Ես չեմ ցանկանում այդ մասին խոսել և վախեցնել մարդկանց:

- Այս տարի մեկնելո՞ւ եք հանգստի:

-Այս տարի հնարավոր է մեկնենք հանգստի, բայց առայժմ չգիտեմ: Երեխայիս անհրաժեշտ է ծով իմունիտետը բարձրացնելու համար:

-Ո՞ւմ հետ եք մեկնում հանգստի:

-Սովորաբար ընտանիքիս հետ եմ մեկնում:

-Ձեր ամենահիշարժան հանգիստը:

-17 տարեկանում քույրիկիս հետ մեկնել էինք Ուկրաինա տատիկիս հյուր: Դա առաջին ճանապարհորդությունն էր առանց ծնողների և հասուն տարիքում: Լավ ժամանակ ենք անցկացրել ընկերներիս, դասընկերներիս և հարազատներիս հետ:

-Բացի Հայաստանից, որտեղ կցանկանայիք ապրել:

-Իմ մեջ կա սլավոնական արյուն և ես կցանկանայի ապրել Ռուսաստանում: Այնտեղ մարդկանց բնավորությունը, մտածելակերպը, փողոցն ու տունը ինձ հարազատ են:

Մելինե Տոնոյան