Ֆրանսիայի եկեղեցում պատանդներ վերցրած անհայտ անձինք չեզոքացվել են
Միջազգային
Երկու անհայտ անձինք, որոնք ավելի վաղ պատանդներ էին վերցրել Ֆրանսիայում, չեզոքացվել են: Այս մասին հաղորդել է երկրի ներքգործնախարարության պաշտոնական ներկայացուցիչը: «Դանակներով զինված ահաբեկիչները դուրս են եկել եկեղեցուց և գնդակահարվել ոստիկանության հատուկ ստորաբաժանման մարտիկների կողմից»,- հաղորդել է BFM TV ալիքը:
Պատանդներն ազատված են: Ըստ որում, նրանցից մեկը զոհվել է: Այս մասին ՏԱՍՍ-ին հաղորդել են Նորմանդիայի ոստիկանական վարչությունում: «Կտրել են քահանայի կոկորդը: Պատանդներից մեկը վիրավոր է»,- ասել են ոստիկանությունում:
Սակրավորների խումբն այժմ զննում է տաճարը, հաղորդել է Ֆրանսիայի ՆԳ նախարարության պաշտոնական ներկայացուցիչ Պիեր Անրի Բրանդեն:
Հուլիսի 26-ին Սենտ Էտիեն դը Ռուվրե քաղաքի (Ծովամերձ Սենի դեպարտամենտ, երկրի արևմուտք) տաճար է մտել դանակներով զինված երկու մարդ: Նրանք պատանդ են վերցրել հինգ հոգու՝ կյուրեին, երկու միանձնուհիների և երկու ծխականների: Եվս մեկ միանձնուհի կարողացել է հեռանալ եկեղեցուց: Հենց նա է ոստիկանությանը հայտնել տեղի ունեցածի մասին, հաղորդել է ՏԱՍՍ-ը:
1
2
3
4
5
1
2
3
4
5
1
3
4
