Ֆրանսիայի եկեղեցում պատանդներ վերցնելու գործողությունը նախապես պլանավորված էր
Միջազգային
Ֆրանսիայի Ռուանա քաղաքի արվարձանում պատանդներ վերցնելու գործողությունը նախապես պլանավորված էր։ Այս մասին ասել է ՆԳՆ պաշտոնական ներկայացուցիչ Պիեռ–Անրի Բրանդեն։
«Դրդապատճառների մասին դեռ վաղ է խոսել։ Կարող եմ ասել, որ ակնհայտ է, դրանք ագրեսիվ եւ նախապես պլանավորված գործողություններ են եղել, որոնք, անխոս, նախապես էին պատրաստվել»,– ասել է Բրանդեն BFMTV հեռուստաընկերության եթերում։
Նրա խոսքով՝ պատանդ վերցնողները դուրս են եկել եկեղեցուց եւ տեղում չեզոքացվել ոստիկանության կողմից։ Շենքի ներսում ոստիկանությունը հայտնաբերել էր սպանվածի մարմինը, եւս մեկ մարդ «կենաց–մահու պայքար» է տալիս։ Բրանդեն նշել էր, որ այս պահին մասնագետներն ուսումնասիրում են դեպքի վայրը, ստուգում են պայթուցիկի առկայության փաստը։
Այսօր՝ ժամը 9։45–ի սահմաններում, երկու զինված անհայտ անձ Սենթ Էթյեն դյու Ռուվրե եկեղեցում 5 մարդու էին պատանդ վերցրել։ Նախնական տեղեկություններով՝ ոստիկանությունը սպանել է չարագործներին։ Պատանդներից առնվազն մեկը՝ ենթադրաբար հոգեւորական, զոհվել է։ Մյուսի վիճակը ծայրահեղ ծանր է։ Դեպքի վայր է ժամանել Ֆրանսիայի նախագահ Ֆրանսուա Օլանդը։ Ռուանը երկրի ղեկավարի հայրենի քաղաքն է, փոխանցում է «ՌԻԱ Նովոստի»–ն։
1
2
3
4
5
1
2
3
5
3
5
