Չինաստանում առնվազն 164 մարդ է զոհվել տեղատարափ անձրեւների հետևաքով, ևս 125-ն անհետ կորել է
Միջազգային
Չինաստանի տասը տարածաշրջանում առնվազն 164 մարդ է զոհվել տեղատարափ անձրեւների եւ դրանց հարուցած հեղեղումների հետևանքով: Ինչպես հուլիսի 25-ին հաղորդել է «Սինա» լրատվական պորտալը, ևս 125 բնակիչ համարվում է անհետ կորած:
Պորտալի տվյալներով՝ տարերքի հարվածը վնաս է հասցրել ընդհանուր առմամբ 14,8 միլիոն մարդու, ևս 514 հազարը տարահանված է վտանգավոր շրջաններից: Առնվազն 125 հազար ժամանակավորապես բնակափոխ անձինք զրկվել են օթևանից: Տարերքը ոչնչացրել է 126 հազար շենք, ևս 344 հազար շինություն տարբեր վնասվածքներ է ստացել:
Աղետից ուղղակի տնտեսական վնասն արդեն հասել է 31,14 միլիարդ յուանի (շուրջ 4,66 միլիարդ դոլարի): Ինչպես նշել է «Սինան», վատ եղանակը վնասներ է պատճառել կենտրոնական ենթակայության Պեկին և Տյանցզին քաղաքներին, Հեբեյի, Շանսիի, Լյաոնինի, Ցզիլինի, Հեյլունցզյանի, Շանդունի եւ Հենանի նահանգներին, ինչպես նաև Ներքին Մոնղոլիայի Վարչական Շրջանին, հաղորդել է ՏԱՍՍ-ը:
1
2
3
4
5
1
2
3
4
5
1
3
4
