Էվա Խաչատրյան.«Այնքան ոգեւորված էի, որ առաջինը մայրիկիս պատմեցի»
Life
Bravo.am-ը գրում է .
Էվա Խաչատրյանը BRAVO.am-ի նոր ֆոտոշարքում ներկայանում է հարսի կերպարում։ Երեւանի կամերային թատրոնի դերասանուհին սիրում է կերպարանափոխվել, մեկ զգեստի փոխարեն նախընտրեց երկուսը կրել՝ լուսանկարահանման ընթացքում ոգեւորելով իր հետ աշխատող թիմին եւ ստեղծելով աշխույժ մթնոլորտ։ Նկարահանման ավարտից հետո 25-ամյա Էվայի հետ զրուցել ենք անձնական թեմաների շուրջ։
Հարսի կերպարում իմ առաջին ֆոտոշարքն է, բայց ճերմակ շոր կրել եմ դպրոցական տարիներին, երբ ինձ փորձում էի մոդելային ասպարեզում ու մասնակցում գեղեցկության մրցույթների։ Նաեւ մի քանի անգամ մասնակցել եմ հարսանյաց զգեստների ցուցադրությունների։
Թեթեւ նկարահանում էր, հաճույք էի ստանում ընթացքից։Այնքան ոգեւորված էի, որ մայրիկիս առաջինը պատմեցի ու հեռախոսով արված լուսանկարները ցույց տվեցի։ Պետք է խոստովանեմ, որ ինձ ոգեւորեցին դիզայներ Սվետլանա Բեգոյանի մտքերն ու զգեստների շքեղությունը։ Կազմվածքս ընդգծող զգեստն ինձ ավելի հարազատ թվաց, էլեգանտ էր. գաղտնիք չէ, որ սիլուետային գծերը կնոջն ավելի հետաքրքիր են դարձնում։
Ես դեռ չունեմ այն հարցի պատասխանը, թե երբ կամուսնանամ։ Ապագա ամուսնուս հետ պետք է հոգեպես ներդաշնակ լինեմ, որ առանց խոսքի էլ հայացքով իրար հասկանանք. հոգիների կապը կբերի ամուսնության։ Անկեղծ ասած, իմ կողքին շատ ազատ մտածողությամբ տղամարդ եմ պատկերացնում, կապանքներից ու կարծրատիպերից դուրս, որ առյուծի հոգի ունենա։ Կարծում եմ՝ ուշ կգտնեմ նրան, բայց այնքան եմ հավատում, որ մեկ օր կհանդիպեմ նրան։
Շարունակությունը` այստեղ :
1
2
3
4
5
1
2
3
4
5
5
