ՀՀ ԱԻՆ-ը երկրաշարժի սցենարով վարժանքի ընթացքում կգործարկի միացյալ միջգերատեսչական լրատվական կենտրոն

Երևանում հուլիսի 19-ին մեկնարկել է «ՀՀ-ում աղետների ժամանակ (ուժեղ երկրաշարժ) միջգերատեսչական միացյալ լրատվական կենտրոնի (ՄՄԼԿ) ծավալումն ու աշխատանքի կազմակերպումը» թեմայով եռօրյա սեմինարը և շտաբային ուսումնավարժությունը: Այն կազմակերպել են ՀՀ ԱԻ նախարարությունը և ԱՄՆ դեսպանության ռազմական համագործակցության գրասենյակը: Սեմինարին մասնակցում էին ՀՀ բոլոր նախարարություն-գերատեսչությունների լրատվական ծառայությունների պատասխանատուները: Ներկա էին նաև ԱՄՆ բանակի ինժեներական կորպուսի տարբեր նահանգների հանրային կապերի ղեկավարները:

Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից,ԱՄՆ դեսպանության ռազմական համագործակցության գրասենյակի ղեկավար Ջոն Ֆրիելը, ողջունելով ներկաներին, նշել է, որ ուրախ է ներկա լինել այս միջոցառմանը և հավելել, որ այն նպատակ ունի ԱՄՆ դեսպանության ռազմական համագործակցության գրասենյակի աջակցությամբ զարգացնել Հայաստանի՝ աղետներին արձագանքելու կարողությունները:

Հաղորդագրության մեջ նաև նշված է. «ԱՄՆ բանակի ինժեներական կորպուսի Նորթ Աթլանթիկի դիվիզիայի ներկայացուցիչ Դյուի Ուոնգը նշեց, որ ԱՄՆ թիմը շատ բարձր է գնահատում Հայաստանի հետ համագործակցության հնարավորությունը: Նա շեշտեց, որ ներկայացվելիք զեկույցներում կքննարկվեն ՄՄԼԿ-ում տարբեր գերատեսչությունների դերերը և անելիքները:

ՀՀ ԱԻՆ ՓԾ տնօրենի տեղակալ, փ/ծ գեներալ-մայոր Նիկոլայ Գրիգորյանն ընդգծեց ԱՄՆ-ի գործընկերների հետ համագործակցության 10 տարիների պատմությունը՝ կարևորելով դրանց արդյունավետ ընթացքը:

- Մեր համագործակցության պատմության բազմաթիվ էջեր, այսպես կոչված, թաթախված են հանրային իրազեկման և ճգնաժամայինհաղորդակցման ամերիկյան փորձի փոխանակմամբ: Կարծում եմ՝ մեր համագործակցությունը դատապարտված է շարունակականության: ՄՄԼԿ-իշրջանակներում փոխգործակցությունն ունի 2 տարվա պատմություն: Շատ կաևոր է, հատկապես, թե ինչպես են ԱՄՆ-ում օգտագործում նորագույնտեղեկատվական տÕ �խնոլոգիաները (ՏՏ): Կարևոր է նաև տարբեր գերատեսչությունների պաշտոնյաներին սովորեցնել՝ ինչպես հաղորդակցվելհանրության և ԶԼՄ-ների հետ, ինչպես օգտագործել սոցիալական մեդիան և ՏՏ տարբեր նորամուծությունները: ԱՄՆ-ի փորձը մեզ համար շատուսանելի է: Երբ վերցնում ես ուրիշի փորձը, և իսկ այս դեպքում աշխարհում լավագույն փորձը, այն մեծապես հարստացնում է քեզ,- եզրափակÕ �ց Ն. Գրիգորյանը:

Միջոցառման առաջին օրը հատկացված էր թեմայի վերաբերյալ ԱՄՆ գործընկերների զեկույցներին, որոնցում ներկայացվում էր ամերիկյան փորձը: ԱՄՆ ցամաքային ուժերի ինժեներական կորպուսի հանրային կապերի պատասխանատուներ Ջեյ Ֆիլդը և Պատրիկ Մոեսը ներկայացրեցին զեկույցներ հետևյալ թեմաներով.

• միասնական լրատվական կենտրոնի հիմնում,
• խոսնակի հմտություններ,
• սոցիալական մեդիայի կառավարում,
• մամլո հաղորդագրության պատրաստում,
• մամլո ասուլիսի կազմակերպում և անցկացում:

Զեկույցների ավարտին ծավալվեցին հետաքրքիր քննարկումներ: Ներկաները ամերիկացի փորձագետներին ուղղեցին իրենց հետաքրքրող բազմաթիվ հարցեր՝ փորձելով օտարերկրյա փորձից քաղել առավելագույն օգտակար դասերը, որոնք կարելի է կիրառել իրենց ոլորտում:

Հուլիսի 20-ին կանցկացվի միջոցառման 2-րդ մասը՝ շտաբային ուսումնավարժություն: Այս փուլում նախատեսվում է երկրաշարժի սցենարով վարժանքի ընթացքում գործարկել աղետների ժամանակ ծավալվող միացյալ միջգերատեսչական լրատվական կենտրոն (ՄՄԼԿ): Հիմնական նպատակն է աղետի դեպքում ժամանակին ու հավաստի տեղեկատվությամբ ապահովել բնակչությանն ու կառավարման մարմիններին` խոսելով «մեկ ձայնով» և կանխելով խուճապի ու ասեկոսեների տարածումը: